دەپ حابارلايدى قىتايداعى «قازاقپارات» ح ا ا ءتىلشىسى.
«جىلدار بويى جاساسقان ەكىجاقتى قارىم- قاتىناس ساياسي ءوزارا سەنىمدى نىعايتىپ، ءارتۇرلى سالالارداعى ىنتىماقتاستىقتار ەلەۋلى تابىستارعا قول جەتكىزىپ جاتقانىن كورۋ قۋانىش سىيلايدى. ءسىزدىڭ ساپارىڭىز ەكى ەل اراسىنداعى دوستىقتى نىعايتۋعا مىندەتتى تۇردە سەرپىن بەرەدى دەپ سەنەمىن»، - دەدى كەزدەسۋدە لي كىشياڭ.
ءوز كەزەگىندە، قاسىم- جومارت توقايەۆ قاراشانىڭ باسىندا قازاقستانعا جاساعان لي كىشياڭ ساپارىنىڭ تابىستى بولعانىن اتاپ ءوتتى. ول قازاقستاننىڭ قىتايلىق ەكونوميكانىڭ دامۋ قارقىنىن اسا ۇلكەن قىزىعۋشىلىقپەن باقىلايتىنىن تىلگە تيەك ەتىپ، ق ر پارلامەنت سەناتىنىڭ قىزمەتىمەن تانىستىردى. تاراپتار ءتۇرلى سالالارداعى ق ر مەن ق ح ر اراسىنداعى ىنتىماقتاستىقتاردىڭ بولاشاعىن تالقىلادى. ق ر پارلامەنتى سەناتىنىڭ سپيكەرى جان دەتسزياندى وزىنە ىڭعايلى ۋاقىتتا قازاقستانعا ساپار جاساۋعا شاقىردى. قاسىم- جومارت توقايەۆ 2017 - جىلى ماۋسىمدا استانادا ەكسپو- نىڭ اشىلۋى وتەتىنىن، وعان ق ر پرەزيدەنتى نۇرسۇلتان نازاربايەۆ ق ح ر ءتوراعاسى شي جينپيڭدى قاتىسۋعا شاقىراتىنىن اتاپ ءوتتى.