قازاقستاندا اتوم ەلەكتر ستانسالارى ءۇشىن وتىن شىعاراتىن زاۋىتتىڭ قۇرىلىسى باستالدى
دەپ حابارلايدى قازاقپارات.
«قاز اتوم ونەركاسىپ» ۇلتتىق كومپانياسىنىڭ مالىمەتىنشە، الداعى ۋاقىتتا وندىرىستە جىلۋ شىعاراتىن ءونىمنىڭ كولەمى جىلىنا 200 توننادان كەم بولمايدى دەپ كۇتىلۋدە. بۇل ءوز كەزەگىندە الەمدىك يادرولىق- وتىن نارىعىنا شىعۋعا مۇمكىندىك بەرەدى. ءونىم 2020 -جىلى شىعارىلاتىن بولادى.
«وسى زاۋىتتا ءبىزدىڭ جوعارى تەحنولوگيالار ەنگىزىلەتىنىنە ماقتان تۇتامىز. قازىرگى ۋاقىتتا اتالعان ءوندىرىس ءۇشىن قاجەتتى قۇرالدار مەن جابدىقتاردى جاساۋ جۇمىستارىنا كىرىسىپ كەتتىك»، - دەدى АРЕВА - نىڭ وتىن بيزنەسى بويىنشا ءبولىمىنىڭ كەلىسىمشارتتار جونىندەگى اعا ۆيتسە- پرەزيدەنتى كلاۋس ەل ۋستا.
ءوز كەزەگىندە CGNPC- URC باس ديرەكتورىنىڭ ورىنباسارى ساي يۋچەنگ «قاز اتوم ونەركاسىپ» كومپانياسىمەن سەرىكتەستىككە وتە قۋانىشتى ەكەنىن اتاپ ءوتتى. وتىن جيناقتارى قىتايدىڭ اتوم ەلەكتر ستانسالارىندا پايدالانىلادى. ەلباسى وسى جوباعا قاتىسۋشىلاردى قۇرىلىستىڭ باستالۋىمەن قۇتتىقتاي كەلە، بۇل نىسان وتە قاجەت ەكەنىن جانە الداعى ۋاقىتتا ءوز ناتيجەسىن بەرەتىندىگىن اتاپ ءوتتى.
اۆتور: رۋسلان عابباسوۆ