اقبوتانىڭ كۇيەۋجىگىتى بايان ەسەنتايەۆاعا ايىپپۇل تولەيتىن بولدى
بۇل تۋرالى پروديۋسەر ن ت ك ارناسىنىڭ «ريەۆيۋ» باعدارلاماسىنا تەلەفون ارقىلى بەرگەن سۇحباتىندا ايتتى.
«اقبوتانىڭ تۇرمىسقا شىعاتىن جىگىتىمەن ءوزىم سويلەستىم. سەبەبى ول اقبوتانىڭ بىزبەن كەلىسىم- شارتقا وتىرعانىن، كامىلەتتىك جاسقا تولعاننان كەيىن ءوز ەركىمەن قول قويعانىن تۇسىنبەگەن سىڭايلى. سول سەبەپتى ول كەلىسىم- شارتتا كورسەتىلگەن سوماعا سايكەس ايىپپۇل تولەيدى. ەگەر ءار قىزدى ايىپسىز جىبەرە بەرەتىن بولسام، بانكروتقا ۇشىرايتىنىم انىق»، - دەپ مالىمدەدى ەسەنتايەۆا.
ءوز سوزىندە پروديۋسەر توپقا جاڭا قىزدىڭ تاڭدالىنىپ قويعانىن ايتتى.
«ءبىز توپ قۇرامىن اۋىستىرىپ قويدىق. بۇل ەل كۇتپەگەن قۇرام بولادى. ال ءدال قازىر ونىڭ انىق- قانىعىن ايتپايمىن. ال «كەشyou» توبى ءوز جۇمىسىن ءارى قاراي جالعاستىرادى. قازىرگى ۋاقىتتا دايىندىق، ءان جازدىرۋ جۇمىستارى بەلسەندى تۇردە ءجۇرىپ جاتىر»، - دەيدى بايان ەسەنتايەۆا.