ورالدا ۇيعىر حالقىنىڭ مادەنيەت كۇنى اتالىپ ءوتىلدى - فوتو
ۇيعىر ەتنومادەني بىرلەستىگى ازىرلەگەن مەرەكەلىك شارا بارىسىندا قازاقستاننىڭ تاۋەلسىزدىك جىلدارى ىشىندەگى تابىستارى، ەلباسى باستاماسىمەن قۇرىلعان قازاقستان حالقى اسسامبلەياسىنىڭ باستى ماقساتى ەل بىرلىگى مەن تىنىشتىعىن ساقتاۋ ەكەندىگى ايتىلدى.
ب ق و اكىمى اپپاراتى «قوعامدىق كەلىسىم» مەكەمەسى ديرەكتورىنىڭ ورىنباسارى جامال يحسانوۆا، ۇيعىر ەتنومادەني بىرلەستىگىنىڭ ءتورايىمى، ق ح ا مۇشەسى ءاسيام ۇسەنوۆا جينالعان جۇرتشىلىقتى تاۋەلسىزدىك مەيرامىمەن قۇتتىقتاپ، ىستىق ىقىلاس، جىلى لەبىزدەرىن ءبىلدىردى. «باتىس قازاقستان وبلىسىندا توقساننان استام ۇلت وكىلدەرى تاتۋ- ءتاتتى ءومىر ءسۇرىپ جاتسا، سونىڭ ءبىرى بىزدەرمىز. سانىمىز كوپ بولماسا دا، ءوز ءتىلىمىزدى، مادەنيەتىمىز بەن ونەرىمىزدى ۇمىتپاي، دامىتۋعا بار كۇش- جىگەرىمىزدى سالىپ كەلەمىز. بۇعان دوستىق ۇيىندە بارلىق جاعداي جاسالعان. مۇنىڭ ءبارى - تۇڭعىش پرەزيدەنتىمىزدىڭ ءتۇرلى ۇلت وكىلدەرىنە دەگەن قامقورلىعىنىڭ ارقاسى»، دەدى ءا. ۇسەنوۆا.
شارا كەزىندە كونە تۇركى حالىقتارىنىڭ بىرىنەن سانالاتىن ۇيعىرلاردىڭ تاريحى مەن مادەنيەتى، سالت- داستۇرلەرى تۋرالى بەينەكورىنىس كورسەتىلىپ، ءان- بيلەرىنە كەزەك بەرىلدى. كەلۋشىلەر سونداي- اق ۇيعىر حالقىنىڭ ۇلتتىق تاعامدارىنان ءدام تاتىپ، قولونەر كورمەسىن تاماشالادى.
ايتا كەتەيىك، «ەتنوستار كۇنى» جوباسىن قازاقستان حالقى ب ق و اسسامبلەياسى وبلىس اكىمدىگىنىڭ قولداۋىمەن بيىل ەكىنشى رەت ۇيىمداستىرىپ وتىر. ۇيعىر ەتنومادەني بىرلەستىگى 2002 -جىلى قۇرىلعان بولاتىن. وعان باستاپقىدا وڭىرگە تانىمال ازامات، مارقۇم نۇراحمەت ءماسىموۆ جەتەكشىلىك ەتتى.
اۆتور: ەلجان ەرالى