- دەپ حابارلايدى قازاقپارات ءتىلشىسى.
ءى. جانسۇگىروۆ اتىنداعى مادەنيەت سارايىنىڭ فويەسىندە اۋىل شارۋاشىلىعى سالاسىنىڭ دامۋ كورسەتكىشتەرى جايلى ازىرلەنگەن اۋدان، قالالاردىڭ كورمەسىمەن تانىسىپ، «جەتىسۋ» تەلەارناسى دايىنداعان فيلمدى تاماشالادى. سالتاناتتى جيىندا وبلىس اكىمى ا. باتالوۆ اۋىل شارۋاشىلىعى سالاسىنىڭ قول جەتكەن تابىستارى مەن كەلەر جىلعا بەلگىلەنگەن مىندەتتەرى تۋرالى باياندادى. سونىمەن قاتار مەملەكەت قولداۋىنىڭ جانە قاراپايىم ەڭبەك ادامدارىنىڭ بىلەك كۇشى، ماڭداي تەرىنىڭ ارقاسىندا اگرارلىق سالا بارلىق باعىتتا جۇيەلى دامىپ كەلە جاتقانىن اتاپ ءوتتى.
«الماتى وبلىسى - اگرارلى ايماق. قازىرگى كەزدە اگرارلىق- يندۋستريالدىق باعىتتا دامىپ كەلەدى. تۇرعىنداردىڭ 80 پايىزى اۋىلدىق جەرلەردە تۇرادى. سوندىقتان اۋىل شارۋاشىلىعى مەن اۋىل ەڭبەككەرلەرىنسىز وبلىستى دامىتۋ مۇمكىن ەمەس. اۋىل شارۋاشىلىعى ءبىزدىڭ بارلىق جەتىستىكتەرىمىزدىڭ نەگىزگى وزەگى بولىپ وتىر. قاجىرلى جانە ەسەلى ەڭبەكتەرىڭىز ءۇشىن سىزدەرگە ريزاشىلىعىمدى بىلدىرەمىن. كاسىبي مەرەكەلەرىڭىزبەن شىن جۇرەكتەن قۇتتىقتاپ، دەندەرىڭىزگە ساۋلىق، ەڭبەكتەرىڭىزگە جەمىس تىلەيمىن!» - دەدى ا. باتالوۆ.
مۇنان كەيىن ءبىرقاتار ازاماتتارعا وبلىس اكىمىنىڭ قۇرمەت گراموتالارى مەن العىس حاتتارى، سونداي- اق اۋىل شارۋاشىلىعى مينيسترلىگىنىڭ «ەڭبەك ارداگەرى» مەدالى، «اۋىل شارۋاشىلىعى سالاسىنىڭ ۇزدىگى» توسبەلگىسى تاپسىرىلدى.
جىلدىق جۇمىس قورىتىندىسى بويىنشا ءتۇرلى اتالىمداردىڭ جەڭىمپازدارى دا انىقتالىپ، ماراپاتتالدى. اتاپ ايتقاندا، «ۇزدىك زاڭدى تۇلعا» نوميناتسياسىندا «وتەسبيو اگرو» ج ش س جۇلدەگەر اتانىپ، «نيۆا» اۆتوكولىگىنە يە بولدى. «ۇزدىك شارۋا قوجالىعى» اتانعان پانفيلوۆ اۋدانىنىڭ «ەرنار» شارۋا قوجالىعى دا «نيۆا» اۆتوكولىگىنىڭ كىلتىن الدى. سونداي- اق اۋىل شارۋاشىلىعى ءونىمىن قايتا وڭدەۋ كاسىپورىندارىنىڭ اراسىندا وق بويى وزىق شىققان «بايسەركە اگرو» ج ش س 350 مىڭ تەڭگە، جارمەڭكە ۇيىمداستىرۋ ىسىندە ۇزدىك دەپ تانىلعان الاكول اۋدانى 340 مىڭ تەڭگە، جارمەڭكەگە بەلسەنە قاتىسقان سارقان اۋدانى المالى اۋىلدىق وكرۋگى 175 مىڭ تەڭگە اقشالاي سىيلىققا يە بولدى.
اۆتور: سامال قابىشيەۆا