بايان ەسەنتايەۆا جاڭا سەريال ءتۇسىرىپ جاتىر
19:20, 05 - جەلتوقسان 2016
استانا. قازاقپارات - تانىمال پروديۋسەر، ءوز ءومىرى جايلى كىتاپ جازىپ جاتقانىن مالىمدەگەن بايان ەسەنتايەۆا بۇگىن كەزەكتى جوباسىنىڭ ءتۇسىرىلىمىن باستادى. 6 بولىمنەن تۇراتىن «قازاق ارۋى» تەلەسەريالى سۇلۋلىق پەن اسەمدىكتى، ونەر مەن دارىندى بەينەلەيتىن جاڭا تۋىندى بولماق.
«قازاق ارۋىنىڭ» باستى رولىنە پروديۋسەر ەلگە تانىلا قويماعان جاڭا بەينە ىزدەپ، كاستينگ جاريالاعان ەدى. شىعارماشىلىق توپ 16 جاسار گۇلزادا تۇرلاشتى باستى رولگە لايىق دەپ تاپتى. ول قازۇۋ- دىڭ جۋرناليستيكا فاكۋلتەتىندە وقيدى.
«قازاق ارۋى» بايقاۋى 2010 - جىلدان بەرى وتكىزىلىپ كەلەدى. يدەيا اۆتورى - بايان ەسەنتايەۆا. بۇل جوبانىڭ «قازاقستان ارۋى» بايقاۋىنان ەرەكشەلىگى - تەك قازاق قىزدارى قاتىسادى جانە ولار ۇلتتىق تانىم، سالت- ءداستۇر بويىنشا سىنعا تۇسەدى.