ءلايلا سۇلتان قىزى ءوزىنىڭ سۋرەتىمەن بەرىلگەن جارناماعا سەنبەۋگە شاقىردى
12:29, 05 - جەلتوقسان 2016
استانا. قازاقپارات - بەلگىلى قازاقستاندىق تەلەجۇرگىزۋشى ءلايلا سۇلتان قىزى ارىقتاۋعا ارنالعان بيوبەلسەندى قوسپالار مەن ءتۇرلى دارىلەرگە سەنبەۋگە شاقىردى، دەپ حابارلادى «قازاقپارات» ح ا ا ءتىلشىسى.
«ءتۇرلى ب ب ق مەن دارىلەر جارناماسى - جالعان. مۇنداي جاڭالىق ايتىپ سەنساتسيا جاساۋ ءتىپتى ۇيات»، - دەپ جازدى ول ينستوگرامداعى پاراقشاسىنا.
ونىڭ ورنىنا تەلەجۇرگىزۋشى دۇرىس تاماقتانۋعا شاقىردى. ديەتا ۇستاماي-اق، سپورتپەن شۇعىلدانىپ، ءوزىن-ءوزى جاقسى كورۋ ماڭىزدى. «سول جاقتاعى سۋرەتى 5 جىل بۇرىنعى، ول قازىرگى كەلبەتىنە كەلىڭكىرەمەيدى. ارىقتايمىن دەپ، وزدەرىڭە زيان كەلتىرىپ الماۋدى ويلاعان ءجون»، - دەپ قوستى ول.