جەرگىلىكتى تەلەارنا جەرلەۋ ءراسىمىن تىكەلەي ەفيردەن كورسەتتى. فيدەل كاسترونىڭ مۇردەسىنىڭ كۇلى سالىنعان ساۋىتتى كورتەج الىپ ءجۇردى. زيراتقا دەيىن كورتەج سوڭىنان ونداعان مىڭ ادام ىلەسىپ كەلدى. راسىمگە ونىڭ باۋىرى، كۋبا باسشىسى راۋل كاسترو جەتەكشىلىك ەتتى.
ايتا كەتەيىك، ف. كاسترونىڭ كۇلى ازاتتىق قوزعالىسىنىڭ وزگە كوشباسشىسى حوسە مارتيدىڭ قابىرىنىڭ جانىنا جەرلەندى. فيدەل كاسترو 25 -قاراشا كۇنى 90 جاسىندا دۇنيەدەن وزدى.
كۋبا باسشىسىنىڭ قالاۋىمەن ونىڭ دەنەسى كرەماتسيالاندى. كاسترو - كۋبالىق رەۆوليۋتسيونەر، مەملەكەتتىك جانە ساياسي قايراتكەر، 1926 -جىلدىڭ 13 -تامىزىندا دۇنيەگە كەلگەن. 1976 -جىلدان بەرى 30 جىل بويى كۋبا مەملەكەتتىك كەڭەسى مەن مينيسترلەر كەڭەسىنىڭ ءتوراعاسى بولدى. سونداي- اق رەۆوليۋتسيالىق قارۋلى كۇشتەردىڭ باس قولباسشىسى جانە ەلدىڭ ۇلتتىق قاۋىپسىزدىك كەڭەسىنىڭ ءتوراعاسى قىزمەتتەرىن اتقاردى.