ايتۋلارىنشا، يگەرىپ جاتقان ماماندىقتىڭ وزىڭە عانا ەمەس، وزگەلەرگە دە پايدالى بولۋى ءتيىس. وسىنداي يگى ماقساتتى كوزدەگەن جاستاردىڭ ءبىرى الەۋمەتتىك شاشتاراز اشسا، ەندى ءبىرى بالانىڭ وي- ءورىسىن دامىتاتىن ويىنشىقتار جاساپ، نارىققا شىعارعان. الەۋمەتتىك شاشتارازدىڭ اشىلۋىنا مۇرىندىق بولعان ستۋدەنتتەرگە جەرگىلىكتى دەپۋتاتتار قولداۋ كورسەتكەن.
مۇندا زەينەتكەرلەر مەن قامقورلىققا ءزارۋ جاندارعا قولجەتىمدى باعادا قىزمەت كورسەتىلەدى. ماسەلەن، شاش قيدىرۋ قۇنى - نەبارى 130 تەڭگە. ال ۇلى وتان سوعىسى ارداگەرلەرى مەن وزدىگىنەن ءجۇرىپ- تۇرۋى قيىن جاندار ءۇشىن بۇل قىزمەت ءتۇرى تەگىن.
وسىلايشا، جاستار شاكىرتاقىسىن ەڭبەكاقىمەن ەسەلەۋ ۇستىندە.
تاتيانا التماەر، ستۋدەنت:
- الەۋمەتتىك شاشتارازدا ءبىز تۇرعىنداردىڭ شاشىن قيامىز، بويايمىز، ساندەيمىز. بۇل - ءبىز ءۇشىن ۇلكەن مۇمكىندىك. وقۋ مەن جۇمىستى بىرگە الىپ جۇرگەن قيىن ەمەس. وقۋ بىتىرگەن سوڭ 24 ستۋدەنتكە تۇراقتى جۇمىس دايىن.
جان- جاقتىلىعىمەن ەرەكشەلەنگەن ستۋدەنتتەر بالالاردىڭ اقىل- ويىن دامىتاتىن ويىنشىقتاردى جاساۋ ءادىسىن دە مەڭگەرىپ العان. قولجەتىمدى باعامەن ۇسىنىلعان ساپالى ويىنشىقتار جەرگىلىكتى بالاباقشالار مەن مەكتەپتەردىڭ باستاۋىش سىنىپتارى تاراپىنان ۇلكەن سۇرانىسقا يە. وسىلايشا، جاس شەبەرلەر جارتى جىل ىشىندە 1 ميلليون تەڭگە پايدا تاپقان.
باتىرحان قۇسمانوۆ، كوللەدج ديرەكتورى:
- وزىمىزدە مۇمكىندىك بولسا، شامامىز كەلگەنشە، ءوزىمىز ىستەۋىمىز كەرەك. اعاش جاعىنان بولسا دا، تەمىر جاعىنان بولسا دا، مۇمكىندىك بار. نيەت بولسا، ىستەۋگە بولادى.
بۇگىندە كوللەدجدە اتا-انا قامقورلىعىنسىز قالعان 60 بالا جانە مۇمكىندىگى شەكتەۋلى 40 ستۋدەنت وقيدى. ولاردىڭ بارلىعى ءبىلىم مەن تاجىريبەنى ۇشتاستىرا وتىرىپ، تابىسقا كەنەلگەندەرىنە قۋانادى.