بۇگىن شىعىس قازاقستان وبلىسىندا وقۋشىلار ساباققا بارمايدى

استانا. قازاقپارات - شىعىس قازاقستان وبلىسىندا اۋا رايىنىڭ بۇزىلۋىنا بايلانىستى مەكتەپتەردە ساباقتار توقتاتىلدى، دەپ حابارلايدى قازاقپارات وبلىستىڭ توتەنشە جاعدايلار دەپارتامەنتىنە سىلتەمە جاساپ.

«قازگيدرومەت» ر م ك فيليالىنىڭ حابارلاۋىنشا، 5 -جەلتوقساندا شىعىس قازاقستان وبلىسىنىڭ كەي جەرلەرىندە كوكتايعاق، بۇرقاسىن بولىپ، 15-20 مەتر/سەكۋندپەن سوققان جەلدىڭ ەكپىنى 23-28 م/س- قا دەيىن كۇشەيۋىنە بايلانىستى، 1-2 -اۋىسىمداعى 1-11 -سىنىپ وقۋشىلارى ءۇشىن ساباق بولمايدى»، - دەلىنگەن دەپارتامەنتتىڭ حابارلاماسىندا.

بۇعان دەيىن اۋا رايىنىڭ بۇزىلۋىنا وراي ش ق و- دا ءبىرقاتار تاس جولدار جابىلعاندىعى حابارلانعان بولاتىن.

ماسەلەن، 4 -جەلتوقسان ساعات 14:00 دەن باستاپ اۋا رايىنىڭ قولايسىزدىعىنا بايلانىستى (جاڭبىر، كوكتايعاق) كولىكتىڭ بارلىق تۇرلەرى ءۇشىن رەسپۋبليكالىق ماڭىزى بار «الماتى- وسكەمەن» (778-1079 شاقىرىم) تاس جولى جابىلدى. 4 -جەلتوقسان 14:00 دەن باستاپ جاڭبىر مەن كوكتايعاققا بايلانىستى مارشرۋتتىق رەيستىك اۆتوبۋستار مەن تىركەمەسى جانە جارتىلاي تىركەمەسى بار جۇك كولىكتەرى ءۇشىن رەسپۋبليكالىق ماڭىزى بار «وسكەمەن- سەمەي» (8-198 شاقىرىم) جولى جابىلدى. 4 -جەلتوقسان 15:45 تەن باستاپ بۇرقاسىن مەن كورۋ مۇمكىندىگىنىڭ شەكتەلۋىنە بايلانىستى بارلىق اۆتوترانسپورت ءۇشىن نوۆوترويتسسك اۋىلىنا كىرەبەرىستەگى وبلىستىق ماڭىزداعى جولدىڭ 0-22 شاقىرىم ارالىعى جابىق. 4 -جەلتوقسان ساعات 18:00-دەن باستاپ، 5 -جەلتوقسان تاڭەرتەڭگى 08:00 گە دەيىن بۇرقاسىن مەن كورۋ مۇمكىندىگىنىڭ شەكتەلۋىنە بايلانىستى رەسپۋبليكالىق ماڭىزداعى «وسكەمەن- زىريان- كاتون- قاراعاي- راحمان قاينارلارى» اۆتوجولىنىڭ 4-65 شاقىرىم ارالىعىندا بارلىق اۆتوكولىك ءۇشىن قوزعالىس شەكتەلدى.