وسىلايشا وزبەكستاننىڭ «پرەزيدەنت سايلاۋى تۋرالى» زاڭىنىڭ 35 - بابىنا سايكەس سايلاۋ زاڭدى دەپ تانىلدى. داۋىس بەرۋ ءراسىمى ساعات 6:00-دە باستالىپ ساعات 20:00-دە اياقتالادى.
بۇعان دەيىن حابارلانعانداي، سايلاۋعا ءتورت ۇمىتكەر قاتىسۋدا - پرەزيدەنت مىندەتىن اتقارۋشى شاۆكات ميرزيەيەۆ وزبەكستاننىڭ ليبەرالدىق- دەموكراتيالىق پارتياسى اتىنان تۇسۋدە، حاتامجون كەتمونوۆ حالىق - دەموكراتيالىق پارتياسىنان، ناريمان وماروۆ سوتسيال- دەموكراتتاردان جانە پارلامەنتتىڭ تومەنگى پالاتاسىنىڭ ۆيسە- سپيكەرى سارۆار وتامۋراتوۆ دەموكراتيالىق پارتيادان سايلاۋعا قاتىسۋدا.
جاڭا مەملەكەت باسشىسى بەس جىلدىق مەرزىمگە سايلانادى. قازىرگى ۋاقىتتا 14 وكرۋگتىك سايلاۋ كوميسسياسى جاساقتالىپ، 9381 سايلاۋ ۋچاستكەسى جۇمىس ىستەۋدە. سايلاۋدا جەڭىسكە جەتۋ ءۇشىن ۇمىتكەر 50 پايىزدان استام داۋىس جيناۋى كەرەك. سايلاۋشىلاردىڭ قاتىسۋىنىڭ تومەنگى شەگى 33 پايىز. باستاپقى ناتيجەنى و س ك 5 جەلتوقساندا جاريا ەتەدى.