ەكس-پرەمەر سەرىك احمەتوۆكە راقىمشىلىق جاسالۋى مۇمكىن

استانا. قازاقپارات - جەمقورلىق جاساعانى ءۇشىن جازاسىن وتەپ جاتقان قازاقستاننىڭ بۇرىنعى پرەمەر- ءمينيسترى سەرىك احمەتوۆكە تاۋەلسىزدىكتىڭ 25 جىلدىعىنا وراي جاريالانعان راقىمشىلىق بەرىلۋى مۇمكىن دەپ سانايدى تانىمال زاڭگەر سەرگەي ۋتكين.

بۇل تۋرالى Sputnik قازاقستان اگەنتتى حابارلايدى.

«جەمقورلىق تۋرالى باپتارعا دا راقىمشىلىق بەرىلۋى مۇمكىن. ولاردىڭ دا ورتاشا، اۋىر، اسا اۋىر تۇرلەرى بولادى. سونداي-اق كەلتىرىلگەن شىعىن كولەمىنە دە بايلانىستى، ۇلكەن نەمەسە ۇلكەن ەمەس قۇقىقبۇزۋشىلىق. سول سەبەپتى دە جەمقورلىق تۋرالى باپتارعا راقىمشىلىق بەرىلۋى مۇمكىن»، - دەدى ۋتكين Sputnik قازاقستان اگەنتتىگىنە بەرگەن سۇحباتىندا.

راقىمشىلىق بەرىلەتىن قىلمىستىق كودەكس باپتارىنىڭ ناقتى ءتىزىمى زاڭ قابىلدانعاننان كەيىن بەلگىلى بولادى.