كوپتەن بەرى كورىنبەي كەتكەن سارا نازاربايەۆا حالىق الدىنا شىقتى - كەسكىن
قۇرىلتاي ءتورايىمى قازاقستان رەسپۋبليكاسىنىڭ عىلىم جانە ءبىلىم ۆيتسە-ءمينيسترى ەلميرا سۋحانبەرديەۆا.
وتىرىسقا ەلىمىزدىڭ تۇكپىر- تۇكپىرىنەن جوعارعى وقۋ ورىندارىنىڭ رەكتورلارى مەن ءبىلىم باسقارماسىنىڭ قىزمەتكەرلەرى جينالدى. ال، جيىننىڭ باستى قوناعى سارا نازاربايەۆا. كەڭەستىڭ باستى ماقساتى - مەكتەپ جاسىنا دەيىنگى بالالار، مەكتەپ قابىرعاسىنداعى جاسوسپىرىمدەر مەن ستۋدەنتتەردىڭ رۋحاني قۇندىلىقتارىن ارتتىرىپ، ادامگەرشىلىككە تاربيەلەۋ.
«قازىرگى ادامدار ەڭ باستى نارسەنى ۇمىتقان. باستىسى دەگەنىم، جالپى ادامي قۇندىلىقتاردى، ادامگەرشىلىكتى شەتكە ىسىرىپ قويعان. ەڭ الدىمەن ءبىز، ۇلكەن ادامدار ءوزىمىزدى رۋحاني تۇرعىدا تاربيەلەۋىمىز كەرەك»، - دەدى «بوبەك» قوعامدىق قورىنىڭ پرەزيدەنتى سارا نازاربايەۆا.
2016 -جىلى «بوبەك» جانە «ورلەۋ» بىلىكتىلىكتى ارتتىرۋ ۇلتتىق ورتالىعى رۋحاني- ادامگەرشىلىك ءبىلىم بەرۋ باعدارلاماسى بويىنشا بىرنەشە پيلوتتىق جوبا ەنگىزدى. اتالمىش باعدارلامانى جۇيەلى تۇردە جۇمىس جاساپ، بولاشاقتا بارلىق وقۋ ورىندارىنا ەنگىزۋ جوسپارلانعان.
almaty.tv