كەمەنىڭ قوزعالىسى 382- سەكۋندتا توقتاپ، ءبىرشاما ۋاقىتتان كەيىن اۋادا جانىپ ۇلگەرمەگەن سىنىقتار تۋۆا رەسپۋبليكاسىنىڭ اۋماعىنا قۇلادى.
«روس كوسموس» پەن NASA عارىش كەمەسىنىڭ قۇلاۋى ەكيپاجعا كەرى اسەرىن تيگىزبەيتىندىگىنە سەندىرۋدە، دەپ حابارلايدى قازاقپارات. اپات سەبەبىن ارنايى كوميسسيا انىقتايتىن بولادى.
«دەرەك بويىنشا، اپات ر د-0110 ءۇشىنشى ساتىداعى قوزعالتقىشتىڭ جانۋ كامەراسىنىڭ ۋاقىتىنان بۇرىن اشىلۋىنان بولۋى مۇمكىن. «پروگرەسس» حالىقارالىق عارىش ستانسىسىنا جانارماي، سۋ جانە تىعىزدالعان گاز، ازىق- تۇلىك سالىنعان كونتەينەرلەر، كيىمدەر، سونداي- اق جاڭاجىلدىق داستارحانعا ارنالعان بىرنەشە كەلى جەمىس- جيدەك جەتكىزۋى ءتيىس بولعان. جۇك كەمەسىنىڭ اپاتقا ۇشىراۋى حالىقارالىق عارىش ستانسىسىنىڭ قالىپتى جۇمىسىنا جانە ەكيپاجدىڭ تىرشىلىگىنە كەرى اسەرىن تيگىزبەيدى»، - دەپ سەندىرۋدە مەملەكەتتىك كورپوراتسيا NASA- نىڭ راستاۋىمەن.
«روس كوسموس» باس ديرەكتورىنىڭ ورىنباسارى الەكساندر يۆانوۆ باستاعان مەملەكەتتىك كوميسسيا وقيعانىڭ سەبەبىن انىقتاۋدا.