مۇناي باعاسى ءوسىمىن جالعاستىرۋدا

ICE بيرجاسىنداعى ساۋدا كورسەتكىشتەرى وسىنى ايعاقتايدى، دەپ حابارلايدى قازاقپارات.

مۇنايدىڭ باررەلى 54 دوللاردان اسقان سوڭ دا، باعانىڭ ءوسىمى جالعاسىپ، ماسكەۋ ۋاقىتىمەن ساعات 19:14-تە 54,24 دوللارعا جەتتى. 1 - جەلتوقسان كۇنى Brent مۇنايىنىڭ باررەلى $53 بولعان ەدى.

ەسكە سالا كەتسەك، و پ ە ك- كە (مۇناي ەكسپورتتاۋشى ەلدەر ۇيىمى) مۇشە مەملەكەتتەر 2008 -جىلدان بەرى العاش رەت مۇناي ءوندىرىسىن تاۋلىگىنە 1,2 ميلليون باررەلگە دەيىن ازايتۋ تۋرالى كەلىسىمگە كەلگەننەن كەيىن، مۇناي باعاسى ەكىنشى كۇن قاتارىنان ءوسىپ كەلەدى.

كارتەلدىڭ كەزدەسۋى 30 - قاراشا كۇنى ۆەنادا ءوتتى. و پ ەك مۇشەلەرى مەن ۇيىمعا كىرمەيتىن مەملەكەتتەر مۇناي ءوندىرىسىن تاۋلىگىنە 1,8 ميلليون باررەلگە دەيىن ازايتۋدى كوزدەپ وتىر.

 مۇناي ءوندىرىسىن شەكتەۋ تۋرالى كەلىسىم 2017 -جىلدىڭ قاڭتار ايىنان باستاپ كۇشىنە ەنەدى. جارتى جىلعا ەسەپتەلگەن كەلىسىم نارىق جاعدايىنا بايلانىستى ۇزارتىلۋى مۇمكىن.