موڭعوليالىق پالۋاندار «ەۋرازيا بارىسى» تۋرنيرىنىڭ سالماق ولشەۋ راسىمىنە كەلمەدى

استانا. قازاقپارات - موڭعوليانىڭ قازاقشا كۇرەستەن قۇراماسى «ەۋرازيا بارىسى» تۋرنيرىنىڭ سالماق ولشەۋ راسىمىنە كەلمەدى.

بۇل جايىندا Vesti.kz پورتالىنا سىلتەمە جاساپ قازاقپارات حابارلايدى. «موڭعوليا قۇراماسى ءتۇن ىشىندە كەلدى. سول سەبەپتى سالماق ولشەۋ راسىمىنە ۇلگەرمەي قالدى. وزدەرىڭىزدە تۇسىنەتىن شىعارسىزدار، بۇل وتە كۇردەلى پروتسەسس. سپورتشىلار سالماق قۋىپ ۇلگەرمەدى. سوندىقتان ولاردىڭ كۇندىزگى 12 گە دەيىن سالماق تاستاۋعا ۋاقىتتارى بار»، - دەدى ق ر قازاق كۇرەسى فەدەراتسياسىنىڭ ءبىرىنشى ۆيتسە-پرەزيدەنتى سارسەن قۇرانبەك.

ايتا كەتەرلىگى، «ەۋرازيا بارىسى» حالىقارالىق تۋرنيرىنە گرۋزيا، موڭعوليا، پولشا، رەسەي، تاجىكستان، ۋكراينا، وزبەكستان جانە قازاقستان كوماندالارى قاتىسادى. ولار 8 سالماق ساناتىندا كىم مىقتى ەكەنىن انىقتايدى. قازىرگى سالماق ولشەۋ راسىمىنە سايكەس ەڭ اۋىر سپورتشى قازاقستاندىق ايبەك نۇعىماروۆ بولىپ وتىر. ونىڭ سالماعى 139 كەلىنى قۇرايدى. ول رەسەيلىك انتون چەرنىشەۆتەن نە ءبارى ءبىر كەلىگە اۋىر. تۋرنير جەڭىمپازى 10 ميلليون تەڭگەنى ۇتىپ السا، ەكىنشى ورىنعا 6، ءۇشىنشى ورىنعا 4 ميلليون تەڭگە تابىستالادى. قازىرگى ۋاقىتتا بۇل تۋرنير بيلەتتەرى تولىعىمەن ساتىلدى.

فوتو ەلامانا تۋرىسبەكوۆا

اۆتور: مارلان جيەمباي