«ءبىر كەزدە مەن كەنەتتەن پايدا بولعان جىلدام تىرسىلداپ شىققان دىبىستى ەستىدىم، ول قايتادان جوعالىپ كەتتى. ءبىر كەزدە دىبىس قايتادان شىعا باستادى. ءمان بەرىپ تىڭداي قالدىم. ول دىبىستىق عارىش قۇرىلعىسىنان شىعىپ جاتپاعانىن انىق سەزدىم.
مەن ازداپ قورقىپ، بۇل تۋرالى جەرگە حابار بەردىم. يلليۋميناتوردان سول كۇيى ناقتى ەشتەڭە بايقاي المادىم»، - دەدى يان ليۆەي.
وننان استام تەكسەرىس جۇرگىزىپ، تەحنيكالىق قىزمەتكەرلەر اتالمىش دىبىس ۇشۋ پروتسەسىنە كەدەرگى كەلتىرمەيدى دەپ حابارلاعان. جەرگە ورالعاننان كەيىن ماماندار عارىش اپپاراتىن قاراپ شىققان، الايدا دىبىس شىعۋى مۇمكىن قانداي دا ءبىر دەرەك تابىلماعان.
تەحنيكتار بولسا عارىشكەردىڭ ەستىگەن دىبىسىن قايتالاۋعا تىرىسقانىمەن، ليۆەي ونىڭ ەشقايسىن عارىشتاعى تىلسىم داۋىسقا ۇقساتا الماپتى.