ازەربايجان باسشىسى وسىنداي شەشىم قابىلدادى، دەپ جازادى Vesti.az. پارلامەنتكە ۇسىنىستى باس پروكۋرور زاكير گارالوۆ جاسادى.
بۇعان دەيىن ازەربايجان زاڭناماسىندا پرەزيدەنتتى بۇقارالىق اقپارات قۇرالدارىندا بالاعاتتاعانى ءۇشىن جازا قاراستىرىلعان بولاتىن.
ەندىگىدە زاڭنىڭ بابىنا «اقپاراتتىق ينتەرنەت-رەسۋرستار» تەرمينى دە ەنگىزىلدى. زاڭدى بۇزعاندار 500-1000 مانات (99-193 مىڭ تەڭگە) كولەمىندە ايىپپۇل تولەيدى نەمەسە ەكى جىلعا تۇزەتۋ جۇمىستارىنا جەگىلەدى. بولماسا ەكى جىلعا باس بوستاندىعىنان ايىرىلادى.
ال «ينتەرنەتتىڭ اقپاراتتىق رەسۋرستارىندا» جالعان پروفيلدەر مەن اككاۋنتتاردى پايدالانا وتىرىپ، ەل پرەزيدەنتىنىڭ اتىنا بالاعات جازاتىنداردى بۇدان دا قاتاڭ جازا كۇتىپ تۇر. ولارعا 1000-1500 مانات (193-303 مىڭ تەڭگە) كولەمىندە ايىپپۇل سالىنادى نەمەسە ءۇش جىلعا باس بوستاندىقتارىنان ايىرىلادى.