جۇمادىلدايەۆ ەردىڭ جاسى 50 گە تولعان كەزدە (بۇگىندە 60-تى القىمدادى) قۋانىشىن ارىپتەستەرىمەن ءبولىسۋدى ءجون كورگەن.
ول عالىمدار ۇيىندە جيىن وتكىزىپ، ارتىنشا داستارحان جايدى. جيىنعا جۇمادىلدايەۆتىڭ ارىپتەستەرىنەن وزگە ەكى ادام قاتىسقان. ولاردىڭ ءبىرى - عالىمنىڭ فيلولوگ تانىسى بولسا، ەكىنشىسى قازاقستاندىق كاسىپكەر باۋىرجان وسپانوۆ. كەش بارىسىندا باۋىرجان وسپانوۆ عالىمعا كولىك مىنگىزگەن. الايدا كىشىپەيىل كاسىپكەر قىمبات سىيلىعىن ەل الدىندا جاريا ەتۋگە اسىقپاسا كەرەك- ءتى.
اردابەك سولداتباي باۋىرجان وسپانوۆتىڭ قاراپايىمدىلىعىنا قايران قالىپ، قىسقاشا اڭگىمە جازدى. ول قالتاسى قالىڭداسا دا، كىشىپەيىلدىگىن، قاراپايىمدىلىعىن جوعالتپاعان كاسىپكەردەن ۇلگى الۋعا شاقىردى.
نازارلارىڭىزعا ب ا ق وكىلىنىڭ اڭگىمەسىن ۇسىنامىز.
«عالىم اعامىز اسقار جۇمادىلدايەۆتىڭ 50 جاسقا تولعان مەرەيتويىنا وراي عالىمدار ۇيىندە جيىن وتەدى. جيىننان سوڭ 15-20 ادامعا ارنالعان داستارحان جايىلىپ اسەكەڭنىڭ جاقىن دوستارى جەكە قالادى. بارلىعى دەرلىك ءوزى سەكىلدى ماتەماتيك، اكادەميك، پروفەسسورلار بولسا كەرەك. ارالارىندا بوتەنى ەكى- اق ادام: ءبىرى - اسەكەڭنىڭ تانىس فيلولوگى، ەكىنشىسى - ميلليونەر باۋىرجان وسپانوۆ ەكەن. ماتەماتيكتەردىڭ اڭگىمەسى بولەك. ەكەۋى ولاردى بىردە تۇسىنسە، بىردە تۇسىنبەي كوپ وتىرادى. جيىنى بار، داستارحانداعى ۋاقىت بار، 4-5 ساعات وتەدى. باۋىرجان كەتپەي ءالى وتىر. اكادەميكتەر شەتتە وتىرعان قارا بالاعا قارايتىن ەمەس.
فيلولوگ اعامىز نەگە كەتپەي وتىرسىڭ دەسە، باۋكەڭ كولىكتىڭ كىلتىن كورسەتىپ، وسىنى بەرىپ كەتەيىن دەپ ەدىم دەيدى. سوسىن تاعى ءبىراز كۇتىپ، ءبىر پاۋزا بولا قالعان كەزدە فيلولوگ «مىناۋ جىگىت ارامىزداعى باسقا سالانىڭ وكىلى، بيزنەسمەن باۋىرىمىز ەكەن. قۇتتىقتاۋعا كەلىپتى. ءسوز بەرەيىكشى» دەپ جالىنعانداي بولىپ ءسوز كەزەگىن سۇرايدى. اكادەميكتەر ول قايدان ءجۇر دەگەندي جاقتىرىڭقىراماي قاراپ قويادى. باۋكەڭ قىسقا عانا قۇتتىقتاپ، سۋ جاڭا كولىكتىڭ كىلتىن تاپسىرىپ جونەلىپتى. مۇندايدى اسەكەڭ دە كۇتپەسە كەرەك، اۋىزى اڭقيىپ قالا بەرىپتى.
نەتكەن قاراپايىمدىلىق دەسەيشى. باۋكەڭ «ميلليونەرمىن» دەپ شىرەنبەي، كىشىلىك تانىتىپ بالەن ساعات كۇتىپ وتىرعان. اسەكەڭ «اكادەميكپىن» دەپ شىرەنىپ، ەشكىمنەن قىمبات سىي كۇتپەگەن. ءسويتىپ، وعان دەيىن جاياۋ جۇرگەن اكادەميك اعامىز كولىكتى بولىپتى. ۇلگى الساڭ، وسى كىسىلەردەن ال، قازاق بالاسى».
ەستەرىڭىزدە بولسا، باۋىرجان وسپانوۆ قىزدار اراسىندا بوكستان الەم چەمپيونى نازىم قىزايبايعا ءۇي سالىپ بەرگەن بولاتىن.
https://stan.kz