ماڭعىستاۋلىق ستۋدەنت قازاقستان تيىندارىنىڭ بىرەگەي كوللەكسياسىن جينادى - فوتو

اقتاۋ. قازاقپارات - اقتاۋ قالاسىنىڭ تۇرعىنى ارتەم راحماتۋللين چەحيانىڭ برنو قالاسىنداعى تەحنيكالىق ۋنيۆەرسيتەتتىڭ «ماشينا جاساۋ» فاكۋلتەتىنىڭ ستۋدەنتى اتانعالى قازاقستاندىق تيىندار كوللەكسياسىن ساقتاپ كەلەدى ءارى ونى بىرەگەي دەپ سانايدى، دەپ حابارلايدى «قازاقپارات» ح ا ا ءتىلشىسى.

«مەندە 1993 -جىلى شىققان 27 تيىن مەن 20 جانە 50 تەڭگەلىك 10 مونەتا بار. بارلىق قازاقستاندىقتار ءۇشىن اتاۋلى داتالارمەن بەينەلەنگەن ەسكەرتكىش بولىپ تابىلادى. ول ارقىلى مەملەكەتىمىزدىڭ ءتول تاريحىن انىقتاۋعا بولادى: بۇل 1995 -جىلى ۇلى جەڭىستىڭ 50 جىلدىعىنا، 1996 -جىلى ق ر تاۋەلسىزدىگىنىڭ 5 جىلدىعى، 1997 -جىلى مۇحتار اۋەزوۆتىڭ تۋعانىنا 100 جىل جانە سول جىلى بەيبىتشىلىك جانە ەسكە الۋ جىلىنا ارنالعان تيىنداردى اتاپ وتۋگە بولادى.

1999 -جىلى قانىش ساتپايەۆتىڭ 100 جىلدىعىنا ارنالىپ شىعارىلعان مونەتا دا جوق ەمەس. سول جىلى، ياعني 1999 -جىلى ميللەنيۋم قۇرمەتىنە ارنالىپ تيىن قۇيىلعان. ول دا مەنىڭ كوللەكسيامدا تۇر. 2000 -جىلى تۇركىستاننىڭ 1500 جىلدىعىنا، ال 2001 -جىلى - ق ر تاۋەلسىزدىگىنىڭ 10 جىلدىعىنا ارناپ تيىن جاسالدى. مەنىڭ كوللەكسيامداعى سوڭعى تيىن - عابيدەن مۇستافيننىڭ تۋعانىنا 100 جىل بولعاندا، 2002 -جىلى جارىق كورگەن مونەتا. كەيىننەن وسىنداي ەسكەرتكىش تيىنداردى جۇرتشىلىققا ارناپ شىعارماي قويعانى وكىنىشتى، ال ءقازىر بانكتەردە ساتىلۋدا»، - دەدى ارتەم راحماتۋللين.

 
 

 

ارتەم اقتاۋ قالاسىنداعى 14-مولتەك اۋداندا ورنالاسقان №1-ورتا مەكتەبىن اياقتاعان. 2015 -جىلى چەحياعا اتتانىپ، ءبىر جىلدىڭ ىشىندە چەح ءتىلىن مەڭگەرەدى. ءتىل ەمتيحانىن ءساتتى تاپسىرىپ، ورتا مەكتەپتى اياقتاعانى تۋرالى قازاقستاندىق اتتەستاتتى نوستريفيكاتسيالاپ، وقۋ ورنىنا ءتۇسۋ ەمتيحاندارىنان سۇرىنبەي وتەدى. قازىر تەگىن ءبىلىم الۋدا.