ب ۇ ۇ باس حاتشىسى قازاق بالاسىنىڭ تۇساۋىن كەستى - فوتو

استانا. قازاقپارات - ب ۇ ۇ- نىڭ جاڭا باس حاتشىسى انتونيو گۋتەرريش استانادا "تۇساۋ كەسۋ" راسىمىنە قاتىستى.

بۇل تۋرالى گۋتەررشيش تۇساۋىن كەسكەن بالاقايدىڭ اكەسى ايتىپ بەردى، - دەپ حابارلايدى Tengrinews.kz ءتىلشىسى.

ب ۇ ۇ- نىڭ جاڭا باس حاتشىسى وتكەن اپتادا قىسقا مەرزىمدى ساپارمەن استانادا بولىپ، قازاقستان پرەزيدەنتىمەن كەزدەسكەن بولاتىن. مادەني باعدارلاما بارىسىندا ول قازاقستانداعى پورتۋگال قوعامداستىعىمەن كەزدەستى. سول كەزدە انتونيو گۋتەرريش راسىمگە قاتىسقان. ب ۇ ۇ باس حاتشىسى ناۋرىزدىڭ ەكىسى كۇنى ءبىر جاسقا تولاتىن ءنۇرامىرعاليدىڭ تۇساۋىن كەسىپ، جولىن اشتى.

بالانىڭ اكەسى ءىلياس وماروۆ وسى ءبىر قادىرلى ءراسىم ءۇشىن نەلىكتەن سىيلى قوناقتى تاڭداعانىن ايتتى.

«ءدال وسى كۇنى، 1992 -جىلدىڭ 2 -ناۋرىزىندا قازاقستان بىرىككەن ۇلتتار ۇيىمىنا مۇشە بولدى. بۇل وي بىردەن كەلدى. انتونيو گۋتەرريش ب ۇ ۇ باس حاتشىسى بولعانعا دەيىن ول استاناعا ۇيىمنىڭ بوسقىندار ءىسى بويىنشا جوعارعى كوميسسارى رەتىندە كەلگەن ۋاقىتتاردا - 2008 جانە 2013 -جىلدارى جولىققان بولاتىنمىن. ولارعا كەزدەسۋ ۇيىمداستىردىم»، - دەيدى ءىلياس وماروۆ.

 

ءىس- شارا جاقىندار ورتاسىندا عانا ءوتتى. كىلەم ۇستىنەن ءجۇرىپ وتكەن بالا بارلىق سىيلاردىڭ ىشىنەن ب ۇ ۇ لوگوتيپى بار سۋۆەنيردى تاڭداپ، انتونيو گۋتەرريشتى قاتتى قۋانتتى.