شىعىس قازاقستان وبلىسىنىڭ اباي اۋدانىندا توتەنشە جاعداي جاريالاندى
11:06, 28 - قاراشا 2016
وسكەمەن. قازاقپارات - اباي اۋدانى اكىمىنىڭ شەشىمىمەن اۋماقتا تابيعي سيپاتتاعى توتەنشە جاعداي جاريالاندى. سارجال اۋىلدىق وكرۋگىنە قاراستى شارۋا قوجالىقتارىنىڭ بارلىق باعىت بويىنشا جولدارى اق تۇتەك بوراننان كورىنبەيدى.
قولايسىز اۋا رايىنا بايلانىستى (قار، جاڭبىر، اياز، بۇرقاسىن) شارۋا قوجالىقتارىنداعى تۇرعىنداردىڭ تىرشىلىك ارەكەتى قيىندادى. ونداعى جاعداي ۋشىعىپ، ازىق- تۇلىك، ءدارى- دارمەك، مالدىڭ جەم- ءشوبىن جەتكىزۋ قيىنداي ءتۇستى، مالدى جايىلىمعا شىعارۋ دا مۇمكىن بولماي وتىر، دەپ حابارلادى قازاقپارات ءتىلشىسى ت ج دەپارتامەنتىنە سىلتەمە جاساپ.
قاراشا ايىندا اۋا رايى كۇرت ناشارلادى. قالىڭ 50 س م- دەن اسىپ جاۋعان قار جاڭبىرعا ۇلاستى، كەيىنىرەك ايازدى اۋا رايى اق تۇتەك بورانعا اينالدى.