ۆيدەو Facebook-تاعى اۆستراليالىق ۆيدەوتىركەۋشى يەلەرى قاۋىمداستىعىنىڭ (Dash Cam Owners Australia) پاراقشاسىندا جاريالاندى.
جىلاندى وتكىر تىرناقتارمەن قىسىپ العان قۇس كۇرە جولدا جەرگە جاقىن ۇشىپ كەلە جاتقان. ماشيناعا نەبارى بىرنەشە مەتر قالعاندا ول كەنەتتەن جەمتىگىن تاستاپ جىبەرگەن دە ودان ءارى ۇشىپ كەتە بارعان.
اياق استىنان مۇنداي سۇمدىققا تاپ بولعان كولىك ىشىندەگى جولاۋشىلار العاشقىدا قاتتى شوشىنعانىمەن وزدەرىنە ەش قاۋىپ تونبەگەنىن ايتادى.
الەۋمەتتىڭ جەلىنى پايدالانۋشىلاردىڭ كەيبىرىنىڭ پىكىرىنشە، ەگەر ءتىرى جىلان موتوتسيكل جۇرگىزۋشىنىڭ ۇستىنە قۇلاعاندا جاعداي مۇلدەم باسقاشا بولار ەدى. ەندى ءبىرىنىڭ ويىنشا، قۇس جەمتىگىن ءولتىرۋ ءۇشىن ادەيى ماشيناعا لاقتىرعان. بۇل روليكتى 600 مىڭ ادام كورگەن.