سۋىققا ەڭ ءتوزىمدى وقۋشىلار پاۆلوداردا تۇرادى

 پاۆلودار وبلىسىندا 1-4 - سىنىپ وقۋشىلارى جەلدىڭ جىلدامدىعى 5 م/س جەتىپ، تەمپەراتۋرا 30 - گرادۋسقا دەيىن سۋىتقاندا عانا ساباقتان بوساتىلادى.

 سايكەسىنشە، سىناپ باعاناسى 33 - جانە 35 - گرادۋستى كورسەتكەندە، 5-9 جانە 10-11 - سىنىپ وقۋشىلارى ساباققا بارمايدى. بۇل ايماقتار اراسىنداعى ەڭ تومەنگى كورسەتكىشتەر. ودان كەيىنگى ورىندا شىعىس قازاقستان وبلىسى. مۇندا دا وقۋ تەمپەراتۋرا مەن جەلدىڭ جىلدامدىعىنا قاراي توقتاتىلادى. ەگەر جەل سەكۋندىنا 2 مەتردەن از جانە 28 - گرادۋس سۋىق بولسا، باستاۋىش سىنىپ وقۋشىلارى ۇيدە قالادى. 32- گرادۋستا 1-9 - سىنىپ وقۋشىلارى، ال 34 - گرادۋستان باستاپ 1-11 - سىنىپ وقۋشىلارى مەن كوللەدجدەردىڭ 1-2 كۋرس ستۋدەنتتەرى وقۋدان بوساتىلادى. ەگەر جەل كۇشەيىپ، تەرمومەتر 23 - گرادۋستى كورسەتسە، باستاۋىش سىنىپ وقۋشىلارى ساباققا بارمايدى، 27 - گرادۋستا 1-9 سىنىپ وقۋشىلارى، ال 29 - گرادۋستان باستاپ 1-11 - سىنىپ وقۋشىلارى مەن كوللەدجدەردىڭ 1-2 - كۋرس ستۋدەنتتەرى وقۋدان بوساتىلادى.

اۋا رايى 25 - گرادۋسقا سۋىتىپ، جەل جىلدامدىعى 2 مەتردەن اسقاندا استانا مەن قاراعاندىنىڭ 1-4 - سىنىپ وقۋشىلارى ساباقتان بوسايدى. 1-9 - سىنىپ وقۋشىلارى 30 - گرادۋستا، ال 1-11 - سىنىپ وقۋشىلارى مەن كوللەدجدەردىڭ 1-2 - كۋرس ستۋدەنتتەرى 35- گرادۋسقا جەتكەندە بوساتىلادى. سونىمەن بىرگە، قاراعاندىدا جەلدىڭ جىلدامدىعىنا قاراي ەرەجە وزگەرىپ وتىرادى. ەگەر جەل سەكۋندىنا ەكى مەتردەن از سوقسا، تەمپەراتۋرا شەگى تاعى 5 - گرادۋسقا ۇلعايادى. باتىس قازاقستان، اقتوبە، سولتۇستىك قازاقستان وبلىستارىندا جەلدىڭ 2 م/س اسىپ، كۇن رايى 25 - گرادۋستان تومەندەگەندە 1-4 - سىنىپ، 27 - گرادۋستا  1-9  - سىنىپ، 30 - گرادۋستا - 1-11 - سىنىپ وقۋشىلارى ساباققا بارمايدى.