ءمولدىر اۋەلبەكوۆا تۇڭعىشىن دۇنيەگە اكەلدى
10:34, 24 - قاراشا 2016
استانا. قازاقپارات - قۋانىشتى جاڭالىقتى جەلىدە جازيرا بايىربەكوۆا جاريالاپ، جۇرتشىلىقتان ءسۇيىنشى سۇرادى.
«ءسۇيىنشى، ءان سۇيەر قاۋىم! ارىستان مەن ءمولدىر اللانىڭ قالاۋىمەن ۇلدى بولدى» - دەپ جازعان ءانشى. ءمولدىر بىلتىر جەلتوقساندا ءوزىنىڭ جەرلەسى، تارازدىق ارىستان ەسىمدى ازاماتقا تۇرمىسقا شىققان بولاتىن. ءبىر-ءبىرىن ون جىلدان استام ۋاقىت تانيتىنىن، ارالاسا كەلە ارادا سەزىم تۋىنداعانىن ءمولدىردىڭ ءوزى سۇحباتىندا ايتقان-دى. جاراسىمدى جۇپتىڭ قۋانىشتارى ەسەلەنە بەرسىن! دۇنيە ەسىگەن اشقان بالانىڭ باۋى بەرىك بولىپ، اتا-اناسىنىڭ كوزقۋانىشىنا اينالسىن دەيمىز!