بۇل تۋرالى اقوردانىڭ باسپا ءسوز قىزمەتىنەن حابارلادى.
مەملەكەت باسشىسى نۇرسۇلتان نازاربايەۆ ا. گۋتەرريشتى ب ۇ ۇ- نىڭ باس حاتشىسى قىزمەتىنە سايلانۋىمەن قۇتتىقتادى.
كەزدەسۋ بارىسىندا تاراپتار ءبىزدىڭ رەسپۋبليكانىڭ ب ۇ ۇ قاۋىپسىزدىك كەڭەسىنە تۇراقتى ەمەس مۇشەلىگى اياسىنداعى قازاقستان مەن ب ۇ ۇ اراسىنداعى تابىستى ىنتىماقتاستىقتىڭ جالعاسا بەرەتىنىنە سەنىم ءبىلدىردى.
قازاقستان پرەزيدەنتى نۇرسۇلتان نازاربايەۆ ا. گۋتەرريشتىڭ الەمدە قالىپتاسقان قازىرگى ۋاقىتتاعى كۇردەلى گەوساياسي جاعدايدا قىزمەت اتقارۋىنا تۋرا كەلەتىنىن ايتتى.
- باس حاتشى لاۋازىمىنداعى اۋقىمدى جۇمىسىڭىز بارىسىندا قازاقستاننىڭ قولداۋىنا تولىق سەنىم ارتا ارۋىڭىزعا بولادى، - دەدى مەملەكەت باسشىسى.
قازاقستان پرەزيدەنتى ەلىمىز بەن ب ۇ ۇ اراسىندا سەنىمدى جانە سىندارلى قارىم- قاتىناس ورناعانىنا توقتالىپ ءوتتى.
ا. گۋتەرريش ب ۇ ۇ- نىڭ بوسقىندار ءىسى جونىندەگى جوعارعى كوميسسارى لاۋازىمىندا قىزمەت اتقارعان كەزىندە كورسەتكەن ءىلتيپاتى ءۇشىن نۇرسۇلتان نازاربايەۆقا العىس ايتىپ، ءوزارا ءتيىمدى ءىس- قيمىل ودان ءارى جالعاسا بەرەدى دەپ ۇمىتتەنەتىنىن جەتكىزدى.
كەزدەسۋ سوڭىندا نۇرسۇلتان نازاربايەۆ ا. گۋتەرريشتى قازاقستانعا ساپارمەن كەلۋگە شاقىردى.