استانادا ەڭ ۇلكەن مۇز ايدىنىنىڭ قۇرىلىسى باستالدى

استانا. قازاقپارات - استانادا اشىق اسپان استىنداعى ەڭ ۇلكەن مۇز ايدىنىنىڭ قۇرىلىسى مەن جاڭاجىلدىق مەرەكەلەرگە كوشەلەردى بەزەندىرۋ جۇمىستارى باستالدى، دەپ حابارلايدى قازاقپارات «ۆەچەرنيايا استانا» گازەتىنە سىلتەمە جاساپ.

«قىسقى ەرتەگىنىڭ» نەگىزگى تۇجىرىمداماسى 2017 -جىلدىڭ باستى نىشانى - تاۋىق قانا ەمەس، ەلىمىزدىڭ باستى وقيعاسى - ەكسپو كورمەسى دە بولادى. «بۇگىندە «اراي» ساياباعىندا اۋماعى 5 مىڭ شارشى مەتردى قۇرايتىن 250 ادامعا ارنالعان مۇز ايدىنىنىڭ قۇرىلىسى باستالدى. مۇندا كونكيدى جالعا بەرۋ ورنى، مەديتسينالىق پۋنكت، ءدامحانا، راديوحابارلاعىش جانە LED- ەكراندار ورنالاستىرىلادى. مۇز ايدىنىنىڭ اۋماعىندا سونداي- اق، سىرعانايتىن توبەشىكتەر ورناتىلادى»، - دەپ حابارلادى ەسىل اۋدانى اكىمدىگىنىڭ باسپا ءسوز حاتشىسى جامال ابىكەنوۆا.

مۇز ايدىندارى سونىمەن بىرگە، قالانىڭ وزگە ەكى اۋدانىندا دا سالىنادى. ولار شامامەن 16 -جەلتوقساننان باستاپ جۇمىس ىستەي باستايدى. استانا قالالىق مادەنيەت باسقارماسىنان حابارلاعانداي، ەلوردادا جاڭا جىل مەرەكەسىنە وراي بارلىعى 17 شىرشا ورناتىلىپ، ءتورت مۇز قالاشىعى بوي كوتەرەدى. ءبىر عانا ەسىل اۋدانى مەن ۇركەر، قالاماڭى تۇرعىن القاپتارىندا 10 جاڭاجىلدىق شىرشا ورناتۋ جوسپارلانعان. ايتا كەتەيىك، بيىل ەلىمىزدىڭ باستى شىرشاسى «حان شاتىر» س و س و ماڭىنا ورناتىلاتىن بولادى. وسىندا سونداي- اق ءتورت مۇز قالاشىقتارىنىڭ ءبىرى سالىنادى.