وسىنداي العاشقى ەسەپتى مەملەكەتتىك قىزمەتشىلەر 2017 -جىلدىڭ 1 -ساۋىرىنە دەيىن ۇسىنۋى ءتيىس، دەپ حابارلايدى قازاقپارات «يزۆەستيا» گازەتىنە سىلتەمە جاساپ. «مەملەكەتتىك ازاماتتىق قىزمەت لاۋازىمدارىنا ورنالاسۋعا ءۇمىتتى رەسەي ازاماتتارىنىڭ ينتەرنەت جەلىسىندەگى سايتتاردىڭ مەكەن جايلارى نەمەسە سايتتاردىڭ پاراقشالارى تۋرالى مالىمەتتەردى ۇسىنىپ وتىرۋ مىندەتتەرى ايقىندالۋدا»، - دەپ كەلتىردى ەڭبەك مينيسترلىگى وكىلىنىڭ سوزدەرىن باسىلىم.
الىنعان مالىمەتتەر جۇرتشىلىققا تاراتىلمايتىندىعى ايتىلىپ وتىر. بۇل رەتتە، ەسەپ بەرۋدەن باس تارتۋ نەمەسە تولىق اقپارات ۇسىنباۋ شەنەۋنىكتىڭ قىزمەتىمەن قوش ايتىسۋىنا سەبەپ بولۋى مۇمكىن. ەڭبەك مينيسترلىگىنەن باسىلىمعا ءمالىم ەتكەندەي، مۇنداي اقپاراتتاردى جيناۋداعى ماقسات - «ازاماتتىق قىزمەتشىلەردىڭ كاسىبي ادەپ ەرەجەلەرىن ساقتاۋىن قامتاماسىز ەتۋ». قازىرگى ۋاقىتتا ەڭبەك مينيسترلىگى ءتيىستى مالىمەتتەردى جيناۋ ءۇشىن ارنايى ۇلگىنى ازىرلەۋدە. ودان كەيىن ول ۇكىمەتتە بەكىتىلەتىن بولادى. مەمقىزمەتشىلەردىڭ الەۋمەتتىك جەلىلەر مەن بلوگتارداعى بەلسەندىلىگى تۋرالى مىندەتتى ەسەپ بەرۋدى ەنگىزۋگە 2016 -جىلدىڭ 1 -شىلدەسىندە كۇشىنە ەنگەن «مەملەكەتتىك ازاماتتىق قىزمەت تۋرالى» (79-ف ز) زاڭنىڭ 20.2 بابى نەگىز بولدى.