ءار ازامات شاما- شارقى كەلگەنشە تاۋەلسىزدىك مەرەكەسىنىڭ ءساتتى تويلانۋىنا اتسالىسۋدا. ماسەلەن، قايرات نۇرتاس پەن قىدىرالى بولمانوۆ كوك بايراق تۋىمىزبەن بىرگە تۇسكەن سۋرەتتەردى جاريالاۋ ەستافەتاسىن باستادى، دەپ حابارلايدى Stan.kz.
قايرات نۇرتاس تاۋەلسىزدىك مەرەكەسىن جاڭا جىل مەيرامىنىڭ تاساسىندا قالدىرماۋ ءۇشىن ەلىمىزدىڭ كوك بايراعىمەن سۋرەتكە ءتۇسىپ جەلىگە جاريالاۋعا ۇسىنىس جاسادى.
« ءبىز بارلىعىمىز ءوز ەلىمىز، وتانىمىز - قازاقستاندى سۇيەمىز، قازىر مەن سىزدەردىڭ ءارقايسىسىڭىزدىڭ قازاقستان جالاۋىمەن سۋرەتكە ءتۇسىپ، ونى #I_LOVE_KZ xەشتەگىمەن ورنالاستىرۋعا شاقىرامىن! ەلىمىزدىڭ جالاۋىمەن سەلفيگە، سۋرەتكە تۇسىڭىزدەر، داكفەيس، سناپچات جاساڭىزدار! ءبىزدىڭ يدەيامىزدى قولداڭىزدار جانە دوستارىڭىز بەن تانىستارىڭىزعا جەتكىزىڭىزدەر، سىزدەردىڭ بارلىق تاسپالارىڭىز ءبىزدىڭ جالاۋدىڭ سارى- كوك تۇسىمەن جارقىراي بەرسىن! ەلىمىزگە دەگەن ماحابباتتى وسىلاي جەتكىزۋگە تىرىسىپ كورەيىك! جىلداعىداي تاۋەلسىزدىك كۇنىن جاڭا جىلدىڭ كولەڭكەسىندە قالدىرماۋ وزىمىزگە بايلانىستى!» - دەپ جازدى ول جەلىدەگى پاراقشاسىندا.
سول سياقتى تانىمال پروديۋسەر قىدىرالى بولمانوۆ ءوز وتباسىمەن بىرگە تۋمەن بىرگە تۇسكەن سۋرەتىن جاريالاپ، جەلىدەگى جازىلۋشىلارىنا باستاماسىنا قوسىلۋدى ۇسىندى.
«اتالارىمىزدىڭ ارمانى بولعان، اق بىلەكتىڭ كۇشىمەنەن، اق نايزانىڭ ۇشىمەنەن قورعاپ وتكەن، ارمان ەتكەن، اللا ءبىراق بىزگە، ۇرپاعىنا ءناسىپ ەتكەن، قاسيەتتى دە كيەلى تاۋەلسىزدىگىمىزگە 24 كۇن ۋاقىت قالدى. بۇگىننەن باستاپ قازاقستان مەملەكەتىنىڭ ءار تۇرعىنى الەۋمەتتىك جەلىلەردە ءار ءتۇرلى، ەڭ باستىسى، كوك بايراق تۋىمىزبەن، ۇلكەن بولسىن، كىشكەنتاي تۋ بولسىن، وتباسىمىزبەن، جەكە بولسىن، اۋىلدا، قالادا بولسىن، بۇرىن تۇسكەن، ەرتەڭ تۇسەتىن، ءبارىبىر.. ەڭ باستىسى نيەت! ءوز تاۋەلسىزدىگىمىزدى ءوزىمىز ۇلىقتاۋ فلەش- موبىن قابىل الىڭىزدار! جالعاستىرىڭىزدار! ەلىمىزدىڭ تاۋەلسىزدىگىنىڭ تۇعىرى بيىك بولۋىنا جۇرەكتەرىمىزدى دە، جانىمىزدى دا سارقا سالايىق! اللادان كۇندە تىلەيىك! ءوزىمىز ارەكەت جاسايىق، قۇرمەتتى قازاقستاندىق باۋىر- قارىنداستارىم! جان ەمەس ماعان كەرەگى، كوك تۋدىڭ جەلبىرەگەنى!» - دەپ جازدى بەلگىلى پروديۋسەر جەلىدەگى پاراقشاسىندا.