قىتايدا قازاق تىلىندە فيلم ءتۇسىرىلىپ جاتىر
14:23, 22 - قاراشا 2016
استانا. قازاقپارات - قىتايدا قازاق تىلىندەگى تۇڭعىش كوپ سەريالدى تەلەفيلىم «قاڭلى حيكاياسى» تارباعاتاي ايماعىنىڭ تولى اۋدانىندا تۇسىرىلە باستادى.
فيلمدى ءتۇسىرۋ قىزمەتى مەجەمەن جەلتوقسان ايىندا اياقتاپ، كەلەسى جىلدىڭ ءساۋىر ايىندا كورەرمەنمەن جۇزدەسەدى، دەپ حابارلايدى Baq.kz ءتىلشىسى.
«حالىق تورابىنىڭ» مالىمەتىنشە، كوپ سەريالدى فيلم «قاڭلى حيكاياسىنىڭ» ءتۇسىرىلىم جۇمىستارى، باستالۋ، اياقتالۋ مەرزىمى تۋرالى اقپاراتتار شينجياڭ تەلەۆيدەنيەسىندە حابارلانعان. اتالعان تەلەفيلمنىڭ رەجيسسەرى كۇرەس قابدەن ۇلىنىڭ ايتۋىنشا، سەريالدىڭ باس كەيىپكەرى اقبەلدەۋ اۋىلى قاڭلى قىستاعىنىڭ جاس پارتيا سەكراتارى ۇلان ەسىمدى ازاماتتىڭ توڭىرەگىندە ءوربيدى.
فيلمدە جاڭا عاسىرداعى قازاق تۇرمىسى جانە كوشپەلىلەر ءومىرىنىڭ سان قيلى تۇرمىس-تىرشىلىگىنەن سىر شەرتەدى.