«ءبارىمىز بىلەمىز، ءبىزدىڭ ەلدە ءبيدىڭ قىزمەتىندە كەلىسپەگەن ادامداردى كەلىستىرۋدە، تابىستىرۋدا ەلەۋلى ءرول اتقاردى. وسى جايىندا وقىپ، تانىپ ءجۇرمىز. تولە بي، قاز داۋىستى قازىبەك، ايتەكە بيلەردىڭ، بۇقار جىراۋدىڭ ايتقاندارىن وقىپ وتىرساڭىزدار، بيلەر سوزبەن ەكى جاقتى جاقىنداستىرىپ، سوزگە توقتاعان قازاق، ءبىر سوزبەن كەلىسىمگە كەلىپ، ايپپۇلىن تولەپ، داۋدى شەشكەن. نەگىزىنە كەلەتىن بولساق، سودان بەرى سونشالىقتى ەشتەڭە وزگەرگەن جوق»، - دەپ اتاپ ءوتتى پرەزيدەنت.
وسى رەتتە ەلباسى ەڭ باستى قاعيدا ادىلدىكتە تۇرعانىن، «تۋرا بيدە تۋعان جوق» ەكەنىن قاداپ ايتتى. «دەگەنمەن دە ەلدى تارتىپكە ۇيرەتۋ كەرەك. مەملەكەت سوتتاردى قولداۋ كەرەك، سۋديالاردى قورعاۋى قاجەت. ءوز كەزەگىندە سۋديالار جۇمىستارىن جاقسىلاپ اتقارۋى ءتيىس»، - دەدى مەملەكەت باسشىسى.
اۆتور: رۋسلان عابباسوۆ