انگەلا مەركەل ءتورتىنشى رەت سايلاۋعا تۇسۋگە نيەتتى

استانا. قازاقپارات - گەرمانيا كانتسلەرى انگەلا مەركەل 2017 -جىلى وتەتىن سايلاۋدا ۇكىمەت باسشىسى قىزمەتىنە ءوز كانديداتۋراسىن ۇسىنۋدى جوسپارلاپ جۇرگەنىن مالىمدەدى، دەپ حابارلايدى قازاقپارات رەسەي جاڭالىقتارى اگەنتتىگىنە سىلتەمە جاساپ.

«بۇگىن مەن پرەزيديۋم مەن پارتيا باسقارماسىنا ەسسەندەگى سەزد بارىسىندا كانتسلەر لاۋازىمىنا ءوز كانديداتۋرامدى ۇسىنۋعا دايىن ەكەنىمدى حابارلادىم»، - دەدى ول بەرليندە جۋرناليستەرگە. ونىڭ ايتۋىنشا، جەكسەنبى كۇنى 5-7 -جەلتوقسانعا جوسپارلانعان پارتيا سەزى ءۇشىن قاراردىڭ جوباسى جاسالاتىن بولادى. «ماعان ءبىراز ۋاقىت كەرەك، شەشىمدەر دە كەش قابىلدانادى، ءبىراق مەن شەشىم قابىلداسام، سوڭىنا دەيىن كۇرەسەمىن»، - دەدى ساياساتكەر.

گەرمانيادا كانسلەردى پارلامەنتتىك سايلاۋ قورىتىندىسى بويىنشا دەپۋتاتتار سايلايدى - سايلاۋشىلاردىڭ ەڭ كوپ داۋىسىن جيناعان ءوز كانديداتتارىن پارتيا نەمەسە ساياسي كۇشتەر كواليتسياسى ۇسىنادى. مەركەل العاش رەت گ ف ر كانسلەرى لاۋازىمىنا 2005 -جىلى تاعايىندالدى.