ونىڭ ءسوزىن Sabah باسىلىمى كەلتىردى.
«Brexit تاراپ كەتۋى مۇمكىن دەگەن سوزدەر فرانتسيا، يتاليا تاراپىنان دا ەستىلىپ قالادى. مۇنداي جاعدايدا تۇركيا ءوزىن ەركىن سەزىنۋى كەرەك. نەگە ءبىز ش ى ۇ- نىڭ مۇشەسى بولا المايمىز»، - دەدى ەردوعان وزبەكستاننان قايتىپ كەلە جاتىپ، ۇشاقتا جۋرناليستەرگە بەرگەن سۇحباتىندا.
تۇركيا كوپ جىلداردان بەرى ەۋروپالىق وداققا مۇشە بولۋ باعىتىندا كەلىسسوزدەر جۇرگىزۋدە. 2016 - جىلدىڭ كوكتەمىندە ەۋرو وداق باسشىلارى تۇركيا ەۋروپاعا ميگرانتتاردىڭ اعىلۋىنا توقتاۋ سالاتىن بولسا، تۇرىكتەردىڭ وداققا مۇشە بولۋى باعىتىنداعى كەلىسسوزدەردى قايتا جانداندىراتىنىنا كەلىسىم بەرگەن.
الايدا، قاراشا ايىنىڭ باسىندا ەۋرو كوميسسيا وكىلدەرى وزدەرىنىڭ باياندامالارىندا تۇركيادا ادام قۇقىقتارى مەن ءسوز بوستاندىعى جانە زاڭ ۇستەمدىگىن قامتاماسىز ەتۋگە قاتىستى ۇلكەن پروبلەمالاردىڭ بار ەكەندىگىن ايتقان.
بۇعان جاۋاپ رەتىندە انكارا تاراپى ەۋرو وداقپەن ديالوگتى جالعاستىرۋ ماسەلەسىن رەفەرەندۋمعا قويۋلارى مۇمكىن ەكەندىگىن مالىمدەدى.