ۋنيۆەرسيادا نىساندارىن تەكسەرگەن ءورت سوندىرۋشىلەر ءبىرقاتار ۇسىنىس بەردى
اتلەتيكا اۋىلىندا سۋدىڭ بەرىلۋ مولشەرى مەن ونىڭ قىسىمى جەتكىلىكسىز ەكەنىندىگىنە بايلانىستى ءورت سوندىرۋشىلەر نىسان باسشىلىعىنا سۋ قۇبىرىنىڭ جاي-كۇيىن جاقسارتۋ جونىندەگى ۇسىنىس بەردى.
حالىقارالىق سپورتتىق ءىس-شارانىڭ ورتكە قاۋىپسىزدىگىن جوعارى دەڭگەيدە قامتاماسىز ەتۋ - FISU ستۋدەنتىك سپورتتىڭ حالىقارالىق فەدەراتسياسى تالاپتارىنىڭ ءبىرى. وسىعان بايلانىستى قالالىق ت ج د قىزمەتكەرلەرى ءورت قاۋىپسىزدىگىن قامتاماسىز ەتۋ جونىندەگى ءبىرىنشى كەزەكتەگى شارالار كەشەنىن ورىنداۋدى جالعاستىرۋدا دەدى اتالمىش مەكەمەنىڭ باسپا ءسوز قىزمەتى.
اتلەتيكا اۋىلىنىڭ سپورتتىق وبەكتىلەرىندە جانە «الماتى ارەنا» مۇز سارايىندا ءورت ءسوندىرۋدىڭ جەدەل قۇجاتتاماسىنا تۇزەتۋلەر جاسالدى. پروفيلاكتيكالىق شاراعا الماتى قالاسى ت ج د ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ قىزمەتكەرلەرى، الاتاۋ اۋدانى ت ج ءبولىمىنىڭ ينسپەكتورلىق قۇرامى تارتىلدى، سونداي-اق ق ر ءى ءى م ت ج ك ءورت قاۋىپسىزدىگى جانە ازاماتتىق قورعانىس عىلىمي-زەرتتەۋ ينستيتۋتىنىڭ ماماندارى قاتىستى.
ولار: - قىسقى ۋنيۆەرسيادانى وتكىزۋ كەزىندە تارتىلاتىن سىرتقى سۋمەن ورتكە قارسى قامتۋ جۇيەسىن اسپاپتىق باقىلاۋ ادىسىمەن تەكسەرۋلەردى جۇرگىزدى. بۇل ءادىس ورتكە قارسى سۋ قۇبىرلارىنىڭ جۇيەسىندەگى تەك سۋدىڭ بار-جوقتىعىن تەكسەرۋگە مۇمكىندىگىمەن قاجەتتى سۋدىڭ كەلۋ كولەمىن جانە ونىڭ قىسىمىن تولىقتاي تەكسەرۋگە مۇمكىندىك بەرەدى.
بۇل وبەكتىلەردىڭ ورتكە قارسى قورعانۋىن قامتاماسىز ەتۋدە بارىنشا تولىققاندى ناتيجەلەرگە قول جەتكىزۋگە مۇمكىندىك بەرەدى. - سونداي-اق ادامداردى وبەكتىدەن ەۆاكۋاتسيالاۋدىڭ ءار قاباتتىڭ جوسپارلارى جانە ءورت ءسوندىرۋ اۆتوموبيلدەرىنىڭ كىرۋ جولدارىنىڭ جوسپارلارى تەكسەرىلدى. جوسپاردا كورسەتىلگەن قاۋىپسىزدىك بەلگىلەرى مەن باعىتتاردىڭ سىلتەمەلەرى توتەنشە جاعدايلار تۋىنداعان كەزدە ادامدار كوپ جينالاتىن جەرلەردەن ادامداردى ەۆاكۋاتسيالاۋ بويىنشا قاجەتتىك شارالاردى قابىلداۋعا مۇمكىندىك بەرەدى.
«تەكسەرۋ جۇيەلەردىڭ دۇرىس ىستەپ جاتقاندىعىن، الايدا اتلەتيكا اۋىلىندا سۋدىڭ بەرىلۋ مولشەرى مەن ونىڭ قىسىمى جەتكىلىكسىز ەكەنىن كورسەتتى. وبەكتى باسشىلىعىنا سۋ قۇبىرىنىڭ جاي-كۇيىن جاقسارتۋ جونىندە ۇسىنىستار بەرىلدى»، دەلىنگەن حابارلامادا.