رەسەيدەگى قازاق گۋبەرناتور امان تولەيەۆتىڭ تاعدىرى شەشىلىپ جاتىر
بۇل تۋرالى egemen.kz حابارلايدى.
ولار 1 ميلليارد رۋبلگە باعالانىپ وتىرعان «رازرەز «ينسكي» كاسىپورنىنىڭ اكسيالارىن بوپسالادى دەپ ايىپتالىپ وتىر. ءبىراق گۋبەرناتور «ەكى ورىنباسارىم ۇستالدى. دانيلچەنكو، يۆانوۆ پەن ترويتسكايا ەشكىمگە كەرەك ەمەس. ولارعا كەرەگى مەنمىن. مەن بۇنى 2 جىلدان بەرى سەزىپ ءجۇرمىن. قاتتى تالاس ءجۇرىپ جاتىر»، - دەدى.
سونىمەن قاتار ول ءوزىنىڭ ورىنباسارلارىنا جالا جابىلعاندىقتان، ولاردى قىزمەتتەرىنەن بوساتپايتىنىن ايتتى. بۇل ىسكە ول كۋاگەر رەتىندە قاتىسۋدا. ءبىراق ساراپشىلار تولەيەۆ تە ورنىنان كەتۋى مۇمكىن دەپ بولجاپ وتىر.
امان تولەيەۆ - رەسەيدە بيلىكتە ەڭ ۇزاق وتىرعان گۋبەرناتور. 1997 جانە 2001 -جىلدارى ول اشىق سايلاۋدا جەڭىسكە جەتسە، ودان كەيىنگى مەرزىمدەرگە ونى مەملەكەت باسشىسى تاعايىنداعان بولاتىن.
تولەيەۆ 1991 , 1996 , 2000 - جىلدارى 3 رەت رەسەي پرەزيدەنتتىگىنە دە ۇمىتكەر بولدى. بىرنەشە رەت پارتيا اۋىستىردى. 2015 -جىلى گۋبەرناتورلىق مەرزىمى بىتكەن كەزدە ساراپشىلار ونى زەينەتكە شىعادى دەپ بولجادى. الايدا، امان تولەيەۆ تاعى دا سايلاۋعا ءتۇسىپ، 96,7 پايىز داۋىسپەن جەڭىسكە جەتتى.
ەندى مىنا وقيعادان كەيىن كوپتەگەن ساراپشىلار ول گۋبەرناتورلىق قىزمەتتى بوساتادى دەگەن سەنىمدە. ال «ساياسي ساراپشىلار توبىنىڭ» جەتەكشىسى كونستانتين كالاچيەۆتىڭ ايتۋىنشا، شاحتاعا قاتىستى داۋ ايماق باسشىسىن اۋىستىرۋعا ەش اسەر ەتپەيدى. «تولەيەۆتى فەدەرالدى باسشىلىق وڭىردە تۇراقتىلىق پەن ءتارتىپ ورناتقانى ءۇشىن باعالايدى» دەدى ول.
ساراپشىلار بۇل قىلمىستىق ءىس وبلىستاعى ىقپالدى توپتاردىڭ اراسىنداعى تولەيەۆ مۇراسى ءۇشىن كۇرەس بولۋى مۇمكىن ەكەنىن دە جوققا شىعارمايدى.
«تولەيەۆ - كەمەر وبلىسىنىڭ باسشىلىق سيمۆولى. ول بولماسا، بۇل تۇراقتىلىقتى ساقتاپ قالۋ قيىن»، - دەيدى الەكساندر كىنيەۆ.
ال ولگا كرىشتانوۆسكايا «قىلمىستىق ىستە گۋبەرناتور تەك كۋاگەر رەتىندە قاتىسادى. ءبىراق بۇل شۋ ونىڭ ۇستانىمدارىنا اسەر ەتىپ، ەڭ بىرىنشىدەن، فەدەرالدى ورتالىق اتقارىپ وتىرعان سىبايلاس جەمقورلىققا قارسى ساياسات ءۇشىن تولەيەۆ ورنىنان كەتۋى مۇمكىن» دەيدى. ونىڭ ويىنشا، پرەزيدەنت پۋتين تولەيەۆكە جاقسى كوزقاراستا بولعاندىقتان گۋبەرناتوردىڭ ساياسي تاعدىرى تۋرالى شەشىم جاقىن ارادا قابىلدانبايدى.