ەسكە سالساق، تاياۋدا جەلىدە اياۋسىز نارەستەنى ۇرعان اتىشۋلى ۆيدەو پايدا بولعان. «ايەلدىڭ كىم ەكەنى انىقتالدى. ونى ۇستاۋ بويىنشا ىزدەۋ جالعاسۋدا. الماتى وبلىسىندا 11 قاراشادا اتالمىش فاكتىگە سايكەس 140-باپ 2- ءبولىم بويىنشا سوتالدى تەرگەۋ باستالدى»، - دەپ حابارلادى ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.
Instagram الەۋمەتتىك جەلىسىندە ايەلدىڭ بالانى ۇرىپ جاتقان ۆيدەوجازبا تارادى. كادردا ايەل ديۆاندا وتىرىپ، ءبىر جاسقا دا تولماعان نارەستەنى ۇرىپ جاتقانى انىق كورىنەدى. ول «اۋزىڭدى جاپ» دەپ ايعايلاپ، بالانى باسىنان، بەتىنەن اياۋسىز ۇرۋدا. بۇل ايەلدىڭ الماتى تۇرعىنى ەكەنىن بىرنەشە پىكىر بىلدىرۋشىلەر جازعان بولاتىن.
ۆيدەونى 8 جاسار قىز تۇسىرگەن. قازىر ول ايەلدىڭ قايدا ەكەنى بەلگىسىز. «8 جاسار قىز اناسى جۇمىستا بولعان كەزدە ۆيدەوعا ءتۇسىرىپ العان. ونى ىزدەدىك، ولار باسقا جەرگە كوشىپ كەتكەن، ونىڭ قايدا ەكەنىن ەشكىم بىلمەيدى. ءبىزدى بالانىڭ تاعدىرى الاڭداتادى. ونىڭ ەميگرانت ەكەنى بەلگىلى بولدى. ءوزى 8 ايلىق جۇكتى ەكەن. بالانىڭ تاعدىرىنا الاڭدايتىندار بولسا، بىزگە ونى ىزدەۋگە كومەكتەسۋدى سۇرايمىز»، - دەپ جازدى الەۋمەتتىك جەلى پايدالانۋشى.