بۇل تۋرالى كوميتەتتىڭ باسپا ءسوز قىزمەتىنەن حابارلادى. حالىقارالىق وليمپيادا كوميتەتىنىڭ ءتارتىپ جونىندەگى كوميسسياسىنىڭ شەشىمىنە ساي، «ا» جانە «ۆ» سىنامالارىنىڭ قوسىمشا زەرتتەۋ ناتيجەسىنە بايلانىستى، 2008 -جىلى بەيجىڭدە وتكەن وليمپيادا ويىندارىندا 63 كەلى سالماقتا قازاقستان نامىسىن قورعاعان اۋىر اتلەت يرينا نەكراسوۆانىڭ كۇمىس جۇلدەسى، 75 كەلى سالماقتا قولا جۇلدە العان تاعى ءبىر اۋىر اتلەتىمىز - ماريا گرابوۆەتسكايانىڭ قولا جۇلدەسى جانە گرەك- ريم كۇرەسى بويىنشا اسەت مامبەتوۆتىڭ قولا جۇلدەسى جويىلىپ، مەدالدارى كەرى قايتارىلاتىن بولدى.
سونىمەن قاتار، بەيجىڭ جانە لوندون وليمپياداسىنداعى سپورتشىلاردىڭ قان زەرتتەۋىندەگى سوڭعى ناتيجەلەرگە سۇيەنگەن، ح و ك 2008 -جىلعى بەيجىڭ وليمپياداسىندا ونەر كورسەتكەن ۆلاديمير سەدوۆتىڭ - ءتورتىنشى ورنىن، اۋىر اتلەت مايا مانەزانىڭ، 2012 -جىلعى لوندون وليمپياداسىندا جەتىنشى ورىن العان اۋىر اتلەت الماس وتەشوۆتىڭ ورىندارىن جوققا شىعاردى.
اۆتور: كەنجەكەي توقتامۇرات قىزى