ءبىر كۇنى سابەڭ (مۇقانوۆ) ماسكەۋدەن كەلە جاتىپ اسقار توقماعامبەتوۆتىڭ ۇيىنە تۇسەدى.
- اسقار، مەن ساعان ادەيى سوقتىم. ادام قارتايىڭقىراعان سوڭ ساعىنىش بولا ما، ونىڭ ۇستىنە "سىرداريا" رومانىن ءبىتىردىم. سونى ساعان وقيىن دەپ كەلدىم.
- ابدەن جاقسى، - دەيدى اسەكەڭ. سابەڭ قىزىل قويۋ شايدان الىپ، روماندى وقي باستايدى. ءبىر كەزدە: "كانالدىڭ جاعاسىنان قىرىق مىڭ ەسەك اقىردى"، - دەگەندە، اسەكەڭنىڭ كوزى شاراسىنان شىعىپ كەتىپتى. - اينالايىن، سابە- اۋ، "قىرىق مىڭ ەسەك" دەمەي ءتورت مىڭ ەسەك دەسەڭىز قايتەدى؟ - دەپتى.
- ايتقاسىن قىرىق مىڭى نە، ءتورت مىڭى نە؟ بارا بەرسىن، دۇرىس! - دەپ كونبەپتى. "ويپىرىم- اۋ، سابە- اۋ، مىناۋ ەسەگىڭىز كوبىرەك ەكەن" دەپ اسەكەڭ كۇبىرلەگەن دە قويعان. ءبىراق قىرىق مىڭنىڭ قاي بەتتە ەكەنىن بايقاپ قالىپ، سابەڭ ۇيىقتاعاندا كوپ ءنولدىڭ بىرەۋىن ءوشىرىپ قويادى.
كىتاپ قىرىق مىڭ ەمەس، ءتورت مىڭ بولىپ باسىلىپ كەتەدى. ارادا ءبىر- ەكى جىل وتكەندە سابەڭ جازۋشىلار وداعىندا ۇستاپ الىپ:
- ەي، اسقار، مەن سەنى ۇرلىقتان تازا دەپ ويلاسام، سەن دە "ۇرى" ەكەنسىڭ عوي. مەنىڭ وتىز التى مىڭ ەسەگىم قايدا؟ - دەگەن ەكەن.
massaget.kz