Gazeta.ru گازەتىنىڭ Daily Mail گە سىلتەمە جاساپ جازۋىنشا، «60 مينۋت» باعدارلاماسىندا ساۋالدارعا جاۋاپ بەرگەن بۇرىنعى مودەل «اكەسىنىڭ قىزى» بولىپ قالعىسى كەلەتىنىن اتاپ ايتتى.
يۆانكا ايەلدەر قۇقىعىن قورعاۋ ىسىندە «ۇلكەن اسەر» العانىن جەتكىزدى، «الايدا بۇل اكىمشىلىك وكىلى رەتىندە ەمەس» ەكەنىن اڭعارتتى. «مەن اكەمنىڭ قىزى بولىپ قالعىم كەلەدى. الايدا ناۋقان بارىسىندا ايتىپ وتكەنىمدەي، مەنى كەيبىر پروبلەمالار قاتتى تولعاندىرادى: تەڭدىك، بالالاردىڭ كۇتىمى - بۇل دۇنيەلەر مەن ءۇشىن وتە ماڭىزدى»، - دەپ مالىمدەدى ول.
ترامپتىڭ باسقا بالالارى دا اكەلەرىنىڭ بولاشاق اكىمشىلىگىنىڭ مۇشەلەرى بولمايتىندارىن راستاپ بەردى. بۇنىڭ ورنىنا ولار نيۋ-يوركتە قالىپ، وتباسىلىق اۆتيۆتەردى باسقارۋدى جالعاستىرۋدى جوسپارلاۋدا. بۇعان دەيىن ب ا ق- تا حابارلانعانداي، ا ق ش- تىڭ بۇرىنعى مەملەكەتتىك حاتشىسى حيللاري كلينتوننىڭ قىزى چەلسي ا ق ش كونگرەسى وكىلدەرى پالاتاسىنىڭ مۇشەسى بولۋدى جوسپارلاۋدا.