نازاربايەۆقا وزىنە ەسكەرتكىش ورناتۋ ءجيى ۇسىنىلادى
«استاناعا كەلگەندەرىڭىز ءۇشىن تاعى ءبىر مارتە ريزاشىلىعىمدى بىلدىرگىم كەلەدى. وسىناۋ جاڭا عيماراتتا وتكەن جىلى وتىرىس وتكىزگەن سياقتىمىز. رەسەيلىك ساراپشىلاردىڭ ءبىرى ءوزىنىڭ ماقالاسىندا قاسىمىزدا ءمۇسىن تۇرىندەگى پرەزيدەنت وتىردى دەپ جازىپتى (كۇلدى). مىنە قاراڭىزدار، ەندى ول جوق - جابىلدى (ەسكەرتكىش). تاۋەلسىزدىك جىلدارى بويى مەنىڭ اتىممەن اتاعانعا قارسى بولىپ كەلەمىن. ءبىراق، ءبىز - شىعىسپىز عوي، سىزدەر تۇسىنۋلەرىڭىز كەرەك»، - دەدى نازاربايەۆ.
وسى رەتتە قازاقستان پرەزيدەنتى مۇستافا كەمال اتاتۇرىككە كوزى تىرىسىندە مىڭداعان ەسكەرتكىشتىڭ سالىنعانىن اتاپ ءوتتى. «سىزدەر ماعان ونى ۇسىنبايدى دەپ ويلاماڭىزدار. مەنىڭ بۇعان ەش قاتىسىم جوق. مۇمكىن اقىمبەكوۆ (ق ر تۇڭعىش پرەزيدەنتى ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى) نەمەسە باسقا بىرەۋ مۇنى جاساۋ قاجەت دەپ شەشكەن شىعار»، - دەدى مەملەكەت باسشىسى.