سەناري بويىنشا دۋنيا ۆيدجاي مەن انيل كۋماراند تىكۇشاقتان سۋعا سەكىرىپ ءتۇسىپ، ءبىر بىرىمەن سۋدا توبەلەسۋى كەرەك بولعان. سول كەزدە ءۇشىنشى كاسكادەر-اكتەر كەلىپ، توبەلەسكە ارالاسۋى ءتيىس ەكەن، دەپ حابارلايدى The Times of India.
ءبىراق، 12 مەتر بيىكتىكتەن سۋداعى رەزەرۆۋارعا سەكىرگەن ارتىستەر كوپ ۇزاماي سۋعا باتا باستادى. قۇتقارۋ تۋرالى كومەك سۇراعان اكتەرلەردى جاعادا جۇرگەن جۇرت دەر كەزىندە اجالدان اراشالاپ قالا المادى.
تەك ءۇشىنشى بولىپ سەكىرگەن اكتەر ۋداي ۆەنكاتەشتى بالىقشى قايىعىمەن ءجۇزىپ جەتكەن جەرگىلىكتى تۇرعىن قۇتقارىپ قالىپتى. جەرگىلىكتى بيلىكتىڭ مالىمدەۋىنشە، بۇل سۋ ساقتاۋ قويماسىنا تۇسۋگە، ودان قالدى فيلم تۇسىرۋگە قۇجات جۇزىندە تىيىم سالىنعان ەكەن. ءبىراق، بۇل تىيىمعا باعىنباعان Kannada كومپانياسى ەكى اكتەردىڭ ءومىرىنىڭ قيىلۋىنا سەبەپ بولدى.