بۇل جاتتىعۋلار ءسىزدى وزىڭىزگە ۇنامىز ورتادان الىپ شىعۋعا سەپتىگىن تيگىزەدى.
سونىمەن ميىڭىزعا جاتتىعۋدى جاساۋعا كوشەلىك.
1. كۇنىنە ءبىر ساعات ۋاقىتىڭىزدى ارتىق ءسوز سويلەمەي، تەك تۋرا جاۋاپ بەرۋگە ارناڭىز. ءارى ورتاڭىزعا ءوزىڭىزدىڭ كوڭىلدى نە كوڭىلسىز جاعدايدا ەكەنىڭىزدى بىلدىرتپەڭىز. ءوزىڭىزدى سالقىنقاندى ۇستاڭىز.
2. كۇنىنە جارتى ساعات تەك قانا ءبىر زاتتى ويلاڭىز. ول زات ءسىز ءۇشىن باعالى بولعانى ابزال. باسقا ەشبىر دۇنيەگە باس قاتىرماڭىز، تەك سول باعالى زاتتى ويلاۋعا تىرىسىڭىز.
3. كۇنىنە ون بەس مينۋت ۋاقىت ىشىندە «مەن، ماعان، مەنىڭ» دەيتىن سوزدەردى پايدالانباي سويلەسىڭىز.
4. كۇنىنە كەز كەلگەن ءبىر عيماراتقا كوز سالىپ، ونداعى ادامداردىڭ كوپتىگىنە قاراپ عيماراتتىڭ ولشەمىن جانە ادامداردىڭ سانىنا ءمان بەرىڭىز. ىشتەي ەسەپ جاساپ تۇرىڭىز.
5. جاڭادان تانىسقان دوسىڭىزعا ءوزى جايىندا عانا اقپارات بەرۋىن قاداعالاڭىز. ءسىز ءوز جايىڭىزدا ەشقانداي سىر بەرمەڭىز، ءارى ءسوزدىڭ باعىتى سىزگە اۋىسىپ بارا جاتسا سۇراقتار ارقىلى دوسىڭىزدىڭ تەك ءوز تۋراسىندا سويلەۋىنە جول اشىڭىز. مۇنى، ءتىپتى، ونىڭ وزىنە دە بىلدىرتپەڭىز.
6. ءوزىڭىز جايىندا ماقتانباي، ارىزدانباي جانە جانىڭىزداعى ارىپتەسىڭىزدى قاجىتىپ الماي ايتا الۋعا داعدىلانىڭىز.
7. كۇنىنە جوسپار جاساڭىز. ءبىراق بۇل جوسپاردىڭ ەرەكشەلىگى كۇنىنە ەكى ساعاتقا عانا سوزىلسىن. سول ەكى ساعات ىشىندە ەشتەڭەگە الاڭداماي جاساعان جوسپارىڭىز بويىنشا عانا ارەكەت ەتىڭىز.
8. وزىڭىزگە ارنالعان ون ەكى ءتۇرلى كەزدەيسوق جاعدايلار جاساڭىز. جانە كۇندەلىكتى جاساپ تۇرىڭىز. ماسەلەن، ۇيگە دەيىن جيىرما شاقىرىم جولدى ەشبىر كولىكسىز جاياۋ بارۋ سەكىلدى. نەمەسە ون ەكى ساعات بويىنا تاماقتانباي ءجۇرۋ. كەلە جاتىپ ءوزىڭىز كۇتپەگەن، جوسپارلاماعان جەردەن تاماقتانا سالۋ سىندى ارەكەتتەردى جاساڭىز.
9. اپتا ىشىنەن ءبىر كۇندى تاڭداپ الىپ، كۇنى بويىنا «ءيا» دەپ قانا جاۋاپ بەرىڭىز. كەز كەلگەن ۇسىنىس پەن سۇراققا «ءيا» دەپ جاۋاپ بەرىڭىز.
بۇل جاتتىعۋلار ءسىزدىڭ ميىڭىزدىڭ قالىپتى ءارى بەلسەندى جۇمىس جاساۋى ءۇشىن پايدالى. سىناپ كورىڭىز!
massaget.kz