«بۇگىن تارازداعى قايعىلى وقيعاعا 5 جىل تولدى. 2011 -جىلعى 12 -قاراشادا ءبىز تەرروريزم قاۋپىمەن العاش رەت بەتپە بەت كەزدەستىك. ءبىز وسىنداي وقيعالاردىڭ بىزدە دە بولۋى مۇمكىن ەكەنىن سەزىنىپ، ۇرەي مەن قورقىنىشقا بوي الدىردىق. ءبىراق، سونىمەن قاتار ارامىزدا ءبىزدىڭ تىنىشتىعىمىز بەن قاۋىپسىزدىگىمىزدى ءوز ءومىرىن قيىپ قورعاۋعا دايىن جانە ەرلىك تانىتا الاتىنداردىڭ بار ەكەندىگىن بىلدىك. بۇل وزگەلەردىڭ ءومىرىن ساقتاپ قالۋ ءۇشىن گراناتانى كەۋدەسىمەن جاپقان كاپيتان عازيز بايتاسوۆ. بەس اي بۇرىن اقتوبەدەگى تەراكتىدە مايور دانەل مايلىبايەۆ العاشقى وقتى ءوزى قابىلداپ، قىلمىستىق توپقا قارسى تۇردى. ءبىر ايدان سوڭ پوليتسيا ستارشيناسى ايان گاليەۆ ەسىنەن اداسقان ادام ءولتىرۋشىنى ءوز ءومىرىن قيىپ توقتاتا الدى»، - دەپ جازدى ە. قارين Facebook-تەگى پاراقشاسىندا.
ساياسات تانۋشى ولاردىڭ ەسىمى ەسكە سيرەك الىناتىنىنا قىنجىلاتىندىعىن ءبىلدىردى. «ەسەسىنە، بارىنشا كوپ ادامدى ءولتىرۋدى ارماندايتىن ەسسىز قىلمىسكەرلەردىڭ بيوگرافياسى مەن سۋرەتتەرى كوپتەپ سيپاتتالعان». مۇنىمەن دە قويماي، ولاردى وبرازدى، ءتىپتى رومانتيكالىق اتتارمەن اتايمىز - «تارازدىق تەرميناتور» نەمەسە «الماتىلىق اتقىش». سودان سوڭ ءوسىپ كەلە جاتقان جاس ۇرپاق ەلىكتەپ، ۇلگى الاتىن يدەالدار نەگە جوق دەيمىز. وسى يدەالداردى ىزدەۋدىڭ، ويدان شىعارۋدىڭ قاجەتى جوق. ءوز بورىشىن ادال ورىنداعانداردى ەستەن شىعارماي، ولاردىڭ تۋعان-تۋىس، جاقىندارىنا قولداۋ كورسەتۋ قاجەت. سوندىقتان دا وسىنداي اتاۋلى كۇندەردە ناعىز ەرلەردىڭ «قازاقستان باتىرلارىنىڭ» ەسىمدەرىن ۇمىتپاي ەسكە الىپ، قاستەرلەسەك جاس ۇرپاق ءبىلىپ جۇرەر ەدى»، - دەيدى ە. قارين.