باتىس قازاقستان اكىمى «ارقان تارتقىش» ايباتىردى ارنايى سىيلىقپەن ماراپاتتادى - فوتو
وبلىس اكىمى كريشتيانۋ رونالدۋداي اياقدوپ شەبەرى بولعىسى كەلەتىن جاس جەتكىنشەككە فۋتبول كيىمى مەن دوپتى، وعان قوسا جاقسى وقىسىن دەگەن نيەتپەن پلانشەتتى تابىس ەتتى. وسىنداي سىيلىققا يە بولعان ايباتىر ءوزىنىڭ ەڭبەگىن باعالاعان ءوڭىر باسشىسى مەن اق جايىق جۇرتشىلىعىنا ريزاشىلىعىن ءبىلدىردى.
سالتاناتتى جيىن بارىسىندا ءمالىم ەتىلگەنىندەي، ەلباسى باستاماسىمەن «جاسىل ەل» قوزعالىسى قۇرىلعاننان بەرگى 11 جىل ىشىندە ەلىمىزدە 133797 گەكتار جەرگە اعاش وتىرعىزىلعان. وسى مەرزىمدە 235118 جاس «جاسىل ەل» جاساقتارىنىڭ مۇشەسى اتانىپ، جاسىلداندىرۋ مەن اباتتاندىرۋ ىستەرىنە بەلسەنە ارالاسقان. بيىلدىڭ وزىندە 700 دەن استام جاساق رەسپۋبليكا وڭىرلەرىندە ەڭبەك ەتتى. «جاسىل ەل» ەڭبەك جاساقتارى ىسكە كىرىسكەننەن بەرى 50 ميلليون ءتۇپ اعاش وتىرعىزىلعان. بۇل - ەلىمىزدىڭ ودان ءارى كوركەيىپ، گۇلدەنۋىنە قوسىلعان ۇلكەن ۇلەس. بيىل «وتان اعاش» رەسپۋبليكالىق شاراسى اياسىندا ەل تاۋەلسىزدىگىنىڭ 25 جىلدىعىنا وراي 25 مىڭ ءتۇپ كوشەت ەگىلدى. وسى مەرەيلى شارانىڭ ورالدا 125 شىرشا كوشەتىن ەگۋمەن قورىتىندىلانۋى - ءبىز ءۇشىن دە قۋانىش. مەملەكەت باسشىسى جاستارعا سەنەدى. سوندىقتان ولاردىڭ الداعى ۋاقىتتا دا الار اسۋلارى مول بولارى انىق»، دەدى التاي كولگىنوۆ قۇتتىقتاۋ سوزىندە.
جيىندا بارلىعى 11 اتالىم بويىنشا «جاسىل ەل» ەڭبەك جاساقتارىنىڭ ۇزدىكتەرى ماراپاتتالدى. سالتاناتتى شارا قازاقستان ەسترادا جۇلدىزدارى قويعان كونسەرتكە ۇلاستى.
اۆتور: ەلجان ەرالى