بۇل تۋرالى «قازاقپارات» اگەنتتىگىنە استانا اكىمدىگى حابارلادى. «جاڭا الەم» تۇرعىن ءۇي كەشەنىنە كىرەبەرىس جولعا ورناتىلعان شلاگباۋمعا قاتىستى، اتالعان تۇرعىن ءۇي كەشەنىندە تۇرعىنداردىڭ جالپى جينالىسى ءوتتى جانە وندا مينيسترلىكتەر ءۇيىنىڭ قىزمەتكەرلەرى كەشەن اۋماعىنداعى تۇراقتاردا ورىن الماۋى جانە ءۇي الدىندا كەپتەلىس تۋعىزباۋى ماقساتىندا كىرەبەرىس جولعا شلاگباۋم ورناتۋ جونىندە حاتتاما قابىلدادى»، - دەلىنگەن اكىمدىكتىڭ جاۋابىندا. اكىمدىكتىڭ حابارلاۋىنشا، اتالمىش كىرەبەرىس اۋدانىشىلىك جولعا جاتپايدى، استانادا مۇنداي شلاگباۋمدار 37 تۇرعىن ءۇيدىڭ الدىندا ورناتىلعان.
«جوعارىدا اتالعان تۇرعىن ءۇي كەشەنىنىڭ ەسىك الدىندا ارنايى پۋنكت ورناتىلعان، وندا 08:00-دەن 18:00-گە دەيىن وپەراتور قىزمەت ەتەدى. ساعات 18:00-دەن تاڭەرتەڭگى 08:00-گە دەيىن اتالمىش كىرەبەرىس اشىق تۇرادى، وسىلايشا ارنايى كولىكتىڭ وتۋىنە ەش كەدەرگى جوق»، - دەپ جازادى اكىمدىك.
اكىمدىكتىڭ ءمالىم ەتكەنىندەي، اۋدانىشىلىك جولداردا اۋلا اۋماعىن قورشاپ، شلاگباۋم قويۋعا رۇقسات جوق. بۇنىڭ الدىندا حابارلاعانىمىزداي، استاناداعى «ارمان قالا» تۇرعىن ءۇي كەشەنىنىڭ پاتەر يەلەنۋشىلەرى شلاگباۋمدى زاڭسىز ورناتقان. «قازاقپارات» بۇدان بۇرىن قانداي جاعدايلاردا شلاگباۋم قويۋعا بولاتىنىن جازعان بولاتىن.
اۆتور: جاسۇلان جولدىبايەۆ