اتىراۋدا قانات يسلام بالالار ۇيىنە تەلەديدار سىيعا تارتتى
بۇل تۋرالى وبلىس اكىمىنىڭ باسپا ءسوز قىزمەتى حابارلادى.
ءبىزدىڭ سپورتشىلارعا كاسىبي رينگتەگى قانات يسلامنىڭ جەڭىستەرى جىگەر بەرەدى، دەدى باسقارما باسشىسى ازاات بەكەت.
- ءبىز بوكسشىنى بالالارعا ارناپ كەزدەسۋ، شەبەرلىك سىنىبىن وتكىزسىن دەپ شاقىرتتىق. شەبەرلىك سىنىبى الدىندا قانات يسلام سابىر قازىبايەۆ اتىنداعى جەتىم بالالار مەن اتا- اناسىنىڭ قاراۋىنسىز قالعان بالالار ۇيىنە باردى. بوكسشى بالالارمەن اڭگىمەلەستى، ولار دايىنداعان كونسەرتتى تاماشالادى. كەزدەسۋ سوڭىندا ولارعا بوكسشى پلازمالىق تەلەديدار تابىس ەتتى. قوشتاسار الدىندا ءبىر نارسە ايتقىم كەلەدى، - دەدى قانات يسلام تاربيەلەنۋشى بالالارعا.
- ومىردە ادامنىڭ السىرەپ، بارىنە قول سىلتەپ، ومىردەن باز كەشىپ كەتكىسى كەلەتىن ساتتەرى بولادى. مۇنداي ۋاقىتتا بارلىق كۇش- جىگەرىڭدى جيناپ، ءتىسىڭدى قايراپ، تەگەۋرىندى ەسەلەي ءتۇسۋ ماڭىزدى. قازىرگى اتاقتى چەمپيوندارىمىز دا ءومىر بويى الدىنا ماقسات قويىپ، قيىندىققا بەرىلمەيتىندىكتەن جەتىستىككە جەتتى. وسى قاعيدانى ۇستانساڭدار، قانداي قيىندىق الدىڭدى وراسا دا، جەڭىستى قولدان بەرمەيتىن بولاسىڭدار.
جەتىمدەر ۇيىنەن باسقا قانات جاس بوكسشىلارعا شەبەرلىك سىنىبىن وتكىزىپ، ستۋدەنتتەرمەن سويلەستى، اتىراۋ وبلىسىنىڭ اكىمى نۇرلان نوعايەۆپەن كەزدەستى.