مەيرامبەك بەسپايەۆتىڭ اناسىن قۇتتىقتاۋى قازاقستاندىقتاردىڭ جۇرەگىن ەلجىرەتتى - كەسكىن

استانا. قازاقپارات - كەشە عانا قىرىققا تولعان تۋعان كۇنىن تويلاعان مەيرامبەك بەسپايەۆ جەلىدە اناسىن تۋعان كۇنىمەن قۇتتىقتادى. ءانشى اناسىنا دەگەن ماحابباتىن ولەڭ جولدارىمەن جەتكىزدى.

«ماما تۋعان كۇنىڭىزبەن قۇتتىقتايمىز! زور دەنساۋلىق مول باقىت تىلەيمىز!!! انام -باقىتىم»، - دەپ جازادى ءانشى ينستاگرام جەلىسىندەگى پاراقشاسىندا.

اناشىم، نەتكەن عاجاپ ءتوزىمدى ەدىڭ،

مەنى ويلاپ ۇزاق تاڭعا كوز ىلمەدىڭ،

پەيىلىڭ جانىپ تۇرعان كۇننەن دە ىستىق،

جوق شىعار ەشكىمدە ونداي سەزىم دەدىم.

امان بول، باقىتتى انام،

ءار ءسوزىڭ جاقۇت ماعان.

ءسابي بوپ قالار ەم عوي،

باعىنسا ۋاقىت ماعان.

امان بول، قادىرلى انام،

ءار ءسوزىڭ لاعىل ماعان.

سەندەي جان جەر بەتىنەن،

ىزدەسەم تابىلماعان،

اسىل انام!

اناشىم، كوركەم ەدىڭ، كەلبەتتى ەدىڭ،

بولەنىپ الديىڭە ەرجەتكەنىم.

باياعى سەنىڭ ايتقان بەسىك جىرىڭ،

تۇر ءالى كوڭىلىمدى تەربەپ مەنىڭ.

مەيىرىم شۋاق توگىپ كەڭ جۇرەگىڭ،

بالا بوپ ەركەلەسەم ەلجىرەدىڭ.

ءسىز باردا قايعى كورمەي بۇل جالعاندا،

ەڭسەمدى بيىك ۇستاپ مەن جۇرەمىن.

جەلى قولدانۋشىلارى دا ءانشىنىڭ اناسىن قۇتتىقتاپ، ىستىق ىقىلاستارىن تىلەپ جاتىر.

«اناڭىزدىڭ تۋىلعان كۇنى قۇتتى بولسىن! بار جاقسىنى تىلەيمىن! سىزدەي پەرزەنتتى ەلگە سىيلاعان، اناڭىزعا ۇلكەن راقمەت!»، «قۇتتى بولسىن اناڭا دەنساۋلىق تىلەيمىن، سەندەي ۇلى بار اناڭىز باقىتتى»، «اناڭىزدىڭ دەنساۋلىگى مىقتى، جاسى ۇزاق بولسىن!!!»، - دەگەن سىڭايداعى قولدانۋشىلار اتىنان ىزگى تىلەكتەر جازىلىپ جاتىر.

بۇعان دەيىن ءانشى قىرىققا تولعان تۋعان كۇنىن دۇركىرەتىپ اتاپ ءوتىپ، مەيرامبەكتىڭ ءوز تۋعان كۇنىندە بيلەگەن ءبيى عالامتوردى شۋلاتقان ەدى.

Stan.kz

Мама туған күніңізбен құттықтаймыз! Зор денсаулық мол бақыттілейміз!!! Анам - бақытым. Анашым, неткен ғажап төзімді едің, Мені ойлап ұзақ таңға көз ілмедің, Пейілің жанып тұрған күннен де ыстық, Жоқ шығар ешкімде ондай сезім дедім. Аман бол, бақытты анам, Әр сөзің жақұт маған. Сәби боп қалар ем ғой, Бағынса уақыт маған. Аман бол, қадірлі анам, Әр сөзің лағыл маған. Сендей жан жер бетінен, Іздесем табылмаған, Асыл анам! Анашым, көркем едің, келбетті едің, Бөленіп әлдиіңе ержеткенім. Баяғы сенің айтқан бесік жырың, Тұр әлі көңілімді тербеп менің. Мейірім шуақ төгіп кең жүрегің, Бала боп еркелесем елжіредің. Сіз барда қайғы көрмей бұл жалғанда, Еңсемді биік ұстап мен жүремін.

A video posted by @m_besbaev on Nov 9, 2016 at 10:12am PST