«بيىل اۋدانى 189 مىڭ شارشى مەتردى قۇرايتىن 3284 پاتەردى تاپسىرۋ جوسپارلانعان. سونىڭ ىشىندە اپاتتى ۇيلەردىڭ يەلەرىن كوشىرۋ ماقساتىندا 10,2 ميلليارد تەڭگەگە جالپى اۋدانى 57,7 مىڭ شارشى مەتر بولاتىن 1 169 پاتەردى كوممۋنالدىق مەنشىككە اقىسىز نەگىزدە بەرۋ جوسپارلانعان»، - دەلىنگەن اكىمدىك تاراتقان اقپاراتتا. اعىمداعى جىلعى 9 ايدىڭ قورىتىندىسى بويىنشا جالپى اۋدانى 141,2 مىڭ شارشى مەتر بولاتىن 1849 پاتەرگە ەسەپتەلگەن 5 تۇرعىن ءۇي پايدالانۋعا بەرىلدى.
تاپسىرىلعان ۇيلەردى جالپى اۋدانىنىڭ 54 مىڭ شارشى مەتر بولاتىن 1049 پاتەر اپاتتى ۇيلەردىڭ تۇرعىندارىن كوشىرۋ ءۇشىن كوممۋنالدىق مەنشىككە اقىسىز نەگىزدە بەرىلەدى. «ەلوردا دامۋ» ج ش س قالا اكىمدىگىنىڭ بولىمشەلەرىمەن بىرلەسىپ، 2016 -جىلدان بەرى اپاتتى جاعدايداعى ۇيلەردى بۇزۋ بويىنشا پيلوتتىق جوبانى ىسكە اسىرۋدا.
«ەلوردا دامۋ» ج ش س پيلوتتىق جوبانى ىسكە اسىرۋ شەڭبەرىندە 5204 پاتەردەن تۇراتىن جالپى اۋدانى 375 مىڭ شارشى مەتر 44 تۇرعىن ءۇيدى پايدالانۋعا تاپسىردى، ونىڭ ىشىندە جالپى قۇنى 12,6 ميلليارد تەڭگەنى قۇرايتىن 1638 پاتەر اقىسىز نەگىزدە كوممۋنالدىق مەنشىككە بەرىلەدى جانە قايتا ينۆەستيتسيالاۋعا 27 ميلليارد تەڭگە باعىتتالادى.
اۆتور: جاسۇلان جولدىبايەۆ