بۇل تۋرالى ru.sputniknews.kz حابارلايدى.
«احيكو - قاراعاندى وبلىسىنداعى قۇرمەتتى ارداگەر. ول ايەلى ەلەنا ەكەۋى ءتورت بالا تاربيەلەپ وتىر. بۇل بىزدەردىڭ ەل اراسىنداعى ناعىز جاندى بايلانىس. ول ءوزىن قۇتقارىپ قالعان قازاقتاردىڭ ارقاسىندا قازاقستاندى دا جاقسى كورىپ كەتتى»، - دەدى نازاربايەۆ توكيوعا جاساعان ساپارى كەزىندە.
اكيحو تەتسۋرو 70 -جىلدان استام ۋاقىت بويى اقتاس اۋىلىن مەكەندەپ كەلەدى. ول قازاقستانعا ەكىنشى دۇنيەجۇىزىلىك سوعىستان سوڭ تاپ بولعان. 86 جاستاعى قاريا تۋرالى «قاراعاندى وبلىسىنداعى جاپون تۇتقىندار» كىتابىندا كەڭىنەن جازىلعان. الايدا قاريانىڭ ءوزى سول ءبىر قيىن جىلدار تۋرالى ايتقىسى كەلمەيدى.
1945 -جىلى قىزىل ارميا وڭتۇستىك ساحالينگە دەيىن باردى. ول كەزدە احيكو جاس كۋرسانت بولاتىن. 1948 -جىلى ونى تۇتقىنعا الىپ 10 جىلعا سوتتايدى. ونى وزگە جاپوندارمەن بىرگە جۇك كەمەسى ارقىلى ۆلاديۆوستوكقا اكەلگەن. ول كەيىن پەتروپاۆلعا، سوسىن جەزقازعانعا كەلگەن. احيكو تەك 1989 -جىلى عانا اقتالىپ شىعادى. ونى تۋعان ەلىندەگى تۋىستارى مەن جاقىندارى تەك جارتى عاسىر وتكەن سوڭ عانا كورۋ باقىتىنا يە بولعان.
«اكەسىنە حات جازىپ جىبەردى. ال اكەسى بولسا ءوزىڭ كەل دەپ جاۋاپ جازىپ جىبەرىپتى. ال مەنىڭ وتباسىم بولدى. ول ءبارىن تاستاپ جالعىز كەتكىسى كەلمەدى»، - دەيدى تەتسۋرونىڭ جارى ەلەنا احيكو.
وسى جىلدار ىشىندە قازاقستاندىق جاپون جاپونياعا توعىز رەت بارعان. ءبىراق، تۇبەگەيلى قالىپ قويماي قازاقستانعا ورالىپ وتىرعان. ول وسى جەردە وتباسىن قۇرىپ، بالالى-شاعالى بولىپ وتىرعاندىقتان، ىستىق دەيدى. ول ءوزىنىڭ تاعدىرى تۋرالى بىلەتىن نازاربايەۆقا دا ريزا بولعان.