«ءبىز ا ق ش پرەزيدەنتتىگىنە كانديدات بولىپ تۇرعاندا ونىڭ مالىمدەمەلەرىن ەستىدىك. ولار رەسەي مەن ا ق ش اراسىنداعى قارىم-قاتىناستى رەتتەۋگە باعىتتالعان ەدى. بۇگىنگى تاڭداعى ا ق ش پەن رەسەي اراسىنداعى بايلانىستاردىڭ قۇلدىراپ بارا جاتقاندىعىن نازارعا الا وتىرىپ، بۇل مالىمدەمەنى جۇزەگە اسىرۋدىڭ وڭايعا سوقپايتىنىن جاقسى تۇسىنەمىز. دەگەنمەن، جاعدايدىڭ بۇلايشا قالىپتاسۋىنا ءبىزدىڭ كىنامىز جوق. مەن بۇنى وسىعان دەيىن دە بىرنەشە مارتە قايتالاعانمىن»، - دەدى پۋتين كرەملدە.
سونىمەن قاتار ول ماسكەۋدىڭ ۆاشينگتونمەن دۇرىس قارىم-قاتىناس ورناتۋعا مۇددەلى ەكەنىن، ول ءۇشىن ءوزى تاراپىنان جۇرگىزىلۋى ءتيىس قادامدارعا دايىن ەكەنىن دە قوسا ايتتى. رەسەي باسشىسى ەكىجاقتى قارىم-قاتىناستىڭ تۇراقتانۋى ەكى ەلگە دە ءتيىمدى بولاتىنىن جانە الەمدىك دەڭگەيدەگى ىستەرگە دە يگى ىقپالىن تيگىزەتىنىن جەتكىزدى.